تووشبوون به‌ کرمی ڕیخۆڵه‌کان و گه‌دده‌ به‌ یه‌کێک له‌ به‌ربڵاوترین نه‌خۆشییەکانی کۆئه‌ندامی هه‌رس داده‌نرێت و نزیکه‌ی %۱۰ دانیشتووانی جیهان به‌ ده‌ستیه‌وه‌ ده‌ناڵێن به‌ تایبه‌ت له‌ وڵاته‌ داوکه‌وتوو و هه‌ژار نیشنه‌کان دا که‌ خزمه‌تگوزاری ئاو و ئاوه‌ڕۆیان له‌ ئاستی پێویست نیه‌.

دکتۆر کامه‌ران رسوڵ ژاژڵه‌یی پسپۆڕی زانستی خۆراک ئاماژەی بە کۆمەڵێك لە دیارترین نیشانەکانی تووشبوون بە کرمی ریخۆڵە کردووە کە دیارترینیان ئەمانەن:

گرنگترین نیشانه‌کانی :

۱. ئازاری ناو سك.

۲. سکچوون و دڵتێک هه‌ڵاتن یان ڕشانه‌وه‌.

۳. ئاوسانی سک و غازاتی زۆر.

٤ . بێهێزی هه‌موو جه‌سته‌ و و هیلاکی و شه‌که‌تی به‌رده‌وام و زه‌رد هه‌ڵگه‌ڕان یان سیس بوونی پێست.

٥ . خوران یان سوور بوونه‌وه‌ی کۆم به‌ تایبه‌ت له‌ شه‌ودا.

٦ . لاوازی و دابه‌زینی کێش بێ هیچ هۆکارێکی زانراو.

۷. بوونی خوێن له‌ پیسایی دا.

۸. بوونی کرم له‌ ناو پیسایی یان جله‌کانی ژێره‌وه‌.

۹. دواکه‌وتنی گه‌شه‌ی مناڵ و به‌دخۆراکی و که‌مخوێنی.