پەنابەرە ئۆکرانییەکە کە پەیوەندی خۆشەویستی لەگەڵ پیاوە بەریتانییەکە دروستکرد کە لە ماڵەکەیان دەمایەوە لە روونکردنەوەیەکدا ئاشكرایکردووە کە ئەو بەرپرس نییە لە تێكچوونی پەیوەندی ئەو پیاو و ژنە بەریتانییە.

لە هەواڵێکی ماڵپەڕی "الیوم السابع"دا ئاماژە بەوەکراوە، سۆفیا کەرکادیمی تەمەن ٢٢ ساڵ کە پەنابەرێکی ئۆکرانیە و بەهۆی شەڕی وڵاتەکەیەوە چووەتە بەریتانیا، لۆرنا و تۆنی جارنێتی هاوسەری لە برادفۆرد ماڵەکەیان بۆکردەوە، بەڵام جارنێت کەوتە داوی خۆشەویستی ئەو کچە پەنابەرە و هاوسەرەکەی بەجێهێشت و بەیەکەوە رۆیشتن.

جارنێت لەو بارەیەوە دەڵێت، ئەو بەرپرسیار نیە لە روخانی پەیوەندی ئەو دوو هاوسەرە و دەڵێت، "هەرگیز بەبیرمدا نەهات شتێکی وا بکەم، من ئەو خێزانەم خۆشویست و کاتێکی زۆرم لەگەڵ لۆرانا بەسەربردووە و هەوڵمدا یارمەتی بدەم، بەڵام ئەو دووڕوو بوو و گومانە بەردەوامەکانی لەگەڵ دڵەڕاوکییەکانی وای لە من و تۆنی کرد لەیەکتر نزیك ببینەوە".

ئاماژەی بەوەشداوە، "ئەم دۆخە بەهۆی رەفتاری ئەو ژنەوە دروستبووە کە بەردەوام وا گومانی دەکرد شتێك هەبێت بەڵام نەبوو، بۆیە ئەمە هەڵەی ئەوە نەك من".