چۆنییەتی ئامادەکردنی مەحشی پەتاتە

PM:12:29:24/05/2022

2356 جار خوێندراوەتەوە

مەحشی پەتاتە یەکێكە لە جۆرە باوەکانی مەحشی کە زۆر کەس ئارەزوو خواردنی دەکات و بە چەند هەنگاوێکی ئاسان ئامادە دەکرێت.

پێداویستییەکان:

١٠ پەتاتە

روبعە کیلۆیەك گۆشت

خوێ بەپێی پێویست

یەك کەوچك کاری

یەك کەوچك ڕوبەهەنار

یەك کەوچك جاترا

چوار تەماتە (پاکی بکە و وردی بکە)

یەك پیاز (وردکراو)

دوو کەوچك زەیتی زەیتون

روبعە کوپێك سنۆبەر

شێوازی ئامادەکردنی:

لە ناو تاوەیەکدا زەیتی زەیتوونەکە گەرم بکە و پیازەکەی تێدا سوور بکەرەوە، ئینجا گۆشتەکەی تێبکە و خوێ، کاری، ڕوبەهەنار و سنۆبەرەکە بکە بەسەریدا و سووری بکەرەوە.

پەتاتەکان پاك بکە و ناوەکەی دەربهێنە، ئینجا گۆشتە سوورکراوەکەی تێبکە و یەكە بە یەکە بیکەرە ناو مەنجەڵێکەوە، دواتر تەمامە وردکراوەکە لەگەڵ خوێ و جاترا بکە بەسەریدا و بیکەرە سەر ئاگرێکی ناوەند و بۆ ماوەی ٤٥ خولەك بیکوڵێنە و بە گەرمی پێشکەشی بکە.