بەم رێگەیانە خۆت لە هێرشی سەگ بپارێزە

PM:07:03:22/05/2022

59492 جار خوێندراوەتەوە

چ سەگ بەخێو بکەیت یان نا کاتێک سەگێکی نامۆ دەبینیت لە رێگەی ماڵەوە یان باخچەیەک لەکاتی نزیکبوونەوەی لێی یان کاتێک سەگەکە برسی دەبێت و هێرش دەکاتە سەر، گرنگە بە وریاییەوە رەفتار بکەیت بۆ ئەوەی بەدوربیت لە هێرشی سەگ و ئازار پێنەگەیەنن.

ماڵپەڕی عەرەب میزی ئیماراتی رایگەیاندووە، کاتێک سەگێکی نامۆ دەبینیت پێویستە بە وریاییەوە رەفتار بکەیت و توڕەی نەکەیت بۆ ئەوەی ئازارت پێنەگەیەنێت، هەر بۆ ئەو مەبەستە ماڵپەرەکە ئەم رێنماییانەی خستووەتە ڕوو:

یەکەم: ئەگەر زانیت سەگەکە شەڕانییە و توڕەیە راستەوخۆ سەیری چاوی مەکە، بەڵکو سەیری مەکە و مەجوڵێ و هێواش هێواش لێی دوربکەوەرەوە.

دووەم: رامەکە چونکە سەگ غەریزەی راکردنی هەیە، بەڵام ئەگەر کۆمەڵێک سەگی شەڕانی بەرەو ڕووت هات و توانای بەرگریکردن لاواز بوو، ئەوا بە خێرایی رابکە و بچۆرە شوێنێکی بەرز کە سەگ نەتوانێت پیایدا سەرکەوێت.

سێیەم: ئەگەر سەگەکە بەردەوام بوو لەوەی لێت نزیک بێتەوە و هەوڵیدا گاز لێبگرێت، لەم حاڵەتەدا شتێک بەکاربهێنە بۆ ئەو شوێنەی جەستەت هێرشی دەکاتە سەر، وەک جانتا یان دارێک.

چوارەم: ئەگەر لە هەموو حاڵەتێکدا زانیت هێرش دەکاتە سەر، ئەوا قۆڵت پارچە قوماشی زیاتری لێببەستە بۆ ئەوەی ئازار بە ئێسک نەگەیەنێت، بزانە سەگ کاتێک بە ددانەکانی دەتگەستێت ئەوا بە ئاسانی بەرینادات و رایدەکێشێت، لەو حاڵەتەدا ئەگەر فسار بکەیت بۆ راکێشانی قۆڵت ئازار پێدەگەیەنێت، باشترە پێشتر قۆڵ بە قوماش پێجابێت تا کەمترین ئازاری پێبگات.

پێنجەم: لە حاڵەتێکدا ئەگەر سەگەکە هێرشی کردە سەرت و شەڕتان کرد، هەوڵبدە سەگەکە بدەیت بە زەویدا لەم کاتەدا وازتلێدەهێنێت، بۆ ئەوەش بە هەموو کیشتەوە خۆت بدە بەسەر سەگەکەدا.

ئ.ل