ئامادەکردنی تەپسی پەتاتە بە مریشک

PM:12:04:22/10/2021

9396 جار خوێندراوەتەوە

تەپسی یەکێکە لە خواردنە خۆشەکان و ئامادەکردنی کاتی دەوێت، بە چەندین رێگەی جیاواز ئامادە دەکرێت.

کەرەستەکانی:

مریشک

پەتاتە

کەوچکێک بیبەری ڕەش و کاری و سیری هاڕڕاو و بەهاراتی مریشک

ئاوی لیمۆیەک

ڕۆن

دوو سەلک پیاز

خوێ

ئامادەکردنەکەی:

سەرەتا جوان مریشکەکە کەرت دەکرێت و دەشۆرێتەوە، لەاو دەفرێکی قوڵدا بیبەری ڕەش و بەهاراتەکانی تر لەگەڵ ئاوی لیمۆ و ڕۆنەکە تێکەڵ دەکرێت تا وەک سۆسێکی لێدەردەچێت.

دوو پیازەکە بە شێوەی ئەڵقە دەجنرێت و پەتاتەکانیش بەهەمان شێوە بە شێوەی بازنەی دەجنرێت یان بە هەر جۆرێک ئارەزووی دەکەیت، لەگەڵ سۆس و خوێ و مریشکەکە تێکەڵدەکرێت.

دەخرێنە ناو سینی فڕنەوە و بە وەرەقەی ئەلەمنیۆم سەری دادەپۆشرێت، دوای ٤٥ خولەک لەناو فڕنەکە دەبێت، دووبارە سەیری دەکەیتەوە و کەمێک لە ئاوەکەی دەکرێت بەسەریدا و دووبارە دەخرێتەوە فڕنەکە تا بە باشی دەبرژێت.