لەگەڵ گۆڕانی وەرز و نزمبوونەوەی پلەکانی گەرما، ئەگەری
توشبوون بە پەتای (پژمە کۆکە و لەرز و تا) زیاد دەبێت، بۆئەوەی بەدووربن لەم پەتایە
پێویستە ئاگاداری ئەم رێنماییانە بن کە لەلایەن پزیشکانەوە ئامەژەیان پێدراوە.
پزیشکی شارەزای گشتی شێروان کۆساری، لەبارەی پەتای وەرزییەوە
وتی: ماوەی چەند هەفتەیەکە پەتایەکی ڤایرۆسی لەناو خەڵکیدا بڵاوبۆتەوە، بەگشتی خەڵک
بەشێوەیەکی مام ناوەند بۆ توند دەیگرن و هەندێکیشیان بە سووکی تووشی دەبن.
ئەو پزیشکە لەپێناو خۆپارستن و لەم نەخۆشییە چەند
روونکردنەوەیەکی بڵاوکردەوە، ئەوانیش:
- ئەم پەتایە پەتایەکی
ڤایرۆسیە و بەکتریایی نیە
- نیشانەکان بە
شێوەیەکی گشتی بریتین لە (پژمە، کۆکە، لەرز و تا، قوڕگ ئێشە، سەر ئێشە، بێتاقەتی،
قاچ ئێشە)
- بەکارهێنانی دەرمانی
دژە هەوکرن (وەکو ئەمۆکسلین و ئەزیسڕۆمایسین و تەواوی ئەنتیبایۆتیکەکانی تر) بەهیچ
شێوەیەک پێویست ناکا لەبەرئەوەی ئەو دەرمانانە بۆ هەوکردنی بەکتریایی بەکاردێن و بۆ
هەوکردنی ڤایرۆسی هیچ سوودێکی لێنابینی.
- هەندێک حاڵەتی
کەم هەیە کە لە لایەن پزیشکەوە دیاری دەکرێت کە لەگەڵ هەورکردنە ڤایرۆسیەکە، نەخۆش
تووشی هەورکردنی بەکتریایی دەبێت، لەو کاتەدا بەکارهێنانی ئەنتیبایۆتیک ئاساییە.
- نیشانەکانی ئەم
پەتایە بە نزیکەیی هەمان نیشانەکانی کۆڕۆنایە و جیاکرنەوەیان ئاسان نیە، بۆیە پێویستە
نەخۆش ئامۆژگاری تەنها لە پزیشک وەربگرێ
- بە بەراورد بە
کۆڕۆنا، ئەم پەتایە خێراتر بڵاو دەبێتەوە، زۆرجار یەک ئەندامی خێزانێک بە نزیکەیی
تەواوی ئەندامەکانی تر تـوش دەکات لە ماوەیەکی زۆر کورت .
ـ پێویستە هەمان ڕێکارەکانی خۆپارێزی کۆڕۆنا بۆ ئەم پەتایە
پەیڕەو بکرێ وەکو مانەوە لە ماڵەوە، ماسک کردن لەکاتی چوونەدەرەوە، دەست شوشتن.
- چارەسەر: ئیسراحەتی
تەواو، وەرگرتنی شلەمەنی زۆر، پاراسیتامۆڵ.
ـ بەهیچ شێوەیەک دەرزی تێکەڵە (ڤۆڵتارین و دیکادرۆن) بەکارمەهێنە،
ڕەنگە بۆ ماوەیەکی کورت سوودی لێببینی بەڵام دواتر کاریگەری زۆر مەترسیدار لەسەر جەستە
بەجێدەهێڵێت.