ڕەنگە تا سەرەتای ساڵی ٢٠٢٠ کلێنسی تەڕ یەکێک نەبووبێت لە پێداویستییەکانی رۆژانەمان، بەڵام دوای دەرکەوتن و بڵاوبونەوەی خێرای ڤایرۆسی کۆڤید-١٩ لە هەموو جیهاندا، خواست لەسەر کڕینی کلێنسی تەڕ بەشێوەیەکی بەرچاو زیادی کرد.

لە بابەتێكی ماڵپەڕی "فوشیا"، چەند زانیارییەک لەبارەی کلێنسی تەڕەوە بڵاوکرایەوە، ئەوانیش:

- کلێنسە تەڕەکان جۆری جیاوازیان هەیە و هەر جۆرە و تایبەتمەندیەکی خۆی هەیە، بۆیە باشترە بزانیت بۆچی بەکاریدەهێنیت.

- کلێنسە تەڕەکان، کاریگەرن و بەتەواوی ئەو شتەی بەری دەکەون پاکی دەکەنەوە.

- ئەگەر کەسێک مادەی سپییکەرەوە و کلۆرید ئەمۆنیۆمی تێدا بوو، هەستیاری بۆ پێست دروست دەکات.

- نابێت بۆ پاکردنەوەی منداڵ بەکاربهێندرێت، بەهۆی بوونی هەندێک ماددە لە کلێنسی تەڕدا چەوری سروشتی پێستی منداڵ لەناو دەبات و پێست تووشی وشکبوونەوە و دروستبوونی زیپکە دەکات.

- کلێنسی تەڕ لە ئاژەڵە ماڵییەکان دووربخەرەوە، چونکە زیان بە جەستەیان دەگەیەنێت.

- بەکارهێنانی کلێنسی تەڕ بۆ پاکردنەوەی مۆبایل زیان بە مۆبایلەکە ناگەیەنێت و چەندین بەکتریای سەر مۆبایلەکە دەکوژێت.

- کلێنسی تەڕ دووبارە ریسایکل ناکرێ و ئاسان شی نابێتەوە بۆیە لەدوای بەکارهێنان تکایە بیکەرە تەنەکەی خۆڵەوە.