وەزارەتی پەیوەندییەکانی عێراق رایگەیاند، بەشێک
لە لایەنە سیاسیەکان فشارێکی زۆریان لێدەکەن بۆ ئەوەی یاری پۆپجی قەدەغە نەکرێت و
ماڵپەڕە سێکسیەکان دانەخرێن.
ئەمڕۆ چوارشەممە، رەعد مەشهەدانی، وتەبێژی وەزارەتی
پەیوەندییەکانى عێراق لە لێدوانێکى تایبەت بە ئێن ئاڕ تى رایگەیاند، پێشتر وەزارەتەکەی
کاری لەسەر داخستنی ماڵپەڕە سێکسیەکان و قەدەغەکردنی یاری پۆپجی کردووە بە شێوەیەکی
فەرمی.
ئاماژەی بەوەشکرد، ئەو رێکاڕانە چەند رۆژێك لەسەر
رێچکەی خۆی بووە و فشارێکی زۆریان لەلایەن پەرلەمانەوە لێکراوە بۆ وەستانی کارکردن
لەسەر ئەو پڕۆژەیە.
باسی لەوەشکرد، پەرلەمان فەرمانی بە وەزارەت
کردووە رێگە بەیاری پۆپجی بدات و ماڵپەڕە سێکسییەکانیش بەکراوەیی بمێننەوە.
ئەوەشی خستوتەڕوو، وەزارەت کەوتووەتە ژێر فشارێکی
زۆر لەلایەن لایەن سیاسیەکانەوە و ئەو پڕۆژەیە نزیکەی چوار ملیار دۆلاری دەگەڕاندەوە
بۆ گەنجینەی دەوڵەت.
مەشهەدانی دەشڵێت، لەماوەی پێشوودا فەرمانێکی وەزارییان
بەدەستگەیشتووە کە تایبەتە بە داخستنی ئەو ماڵپەڕانەی کاردەکەنە سەر پەروەردەی
منداڵ و گەنجان و دەستبەجێ کاریان لەسەر ئەو پڕۆژەیە کردووە، بەڵام پڕۆژەکە ئیفلیج
کراوە.