رۆناڵدۆ بە دیارییەکی ١٢٠ هەزار یۆرۆیی سوپرایز بۆ خۆشەویستەکەی دەکات

PM:05:44:17/10/2021

10712 جار خوێندراوەتەوە

ڕۆناڵدۆ سوپرایزێکی چاوەڕواننەکراو پێشکەش بە جۆرجینا دەکات کە نرخەکەى 120 هەزار یۆرۆیە.

بەبێ بوونی هیچ بۆنەیەک کریستیانۆ ڕۆناڵدۆ دیارییەکی تایبەت و گرانبەها پێشکەش بە جۆرجینا ڕۆدریگێزی خۆشەویستی و کچە نمایشکار دەکات کە نرخەکەى 10یان هەزار دۆلارە.

ڕۆناڵدۆ پاش گەڕانەوەى لە یارییەکانی پاڵاوتنی مۆندیالی 2022ی قەتەر و پاش تۆمارکردنی هاتریک لە هەڵبژاردەى لۆکسمبۆرگ سوپرایزێکی تایبەت و ناوازەى بۆ خۆشەویستەکەى کرد کە بۆکسێکی پاراستنی خشڵە گرانبەهاکانی براندی لویس فیتۆنە و بەرزییەکەى یەک مەترو 40 سانتی مەترە و نرخەکەشی 120 هەزار یۆرۆیە.

بۆکسە ناوازە گرانبەهاکە چەند چەکمەجەیەکی تایبەت و ئاوێنەیەکی بچووک لەخۆدەگرێت و هەرچەندە لە ڕووی ڕووکەشەوە ئاسایی دەردەکەوێت بەڵام لە ڕووی نرخەوە گرانبەهایە و لە بەرامبەر ئەو دیارییە بە نرخەشدا جۆرجینا لە تویتێکدا بە ڕۆناڵدۆ دەڵێت بەرامبەر تۆ وشەیەک نیە بۆ دەربڕین.

ڕۆناڵدۆ و جۆرجینای خۆشەویستی لەم ساڵانەى دوایدا گرنگییەکی زۆر بە کڕینی دیاری بۆ یەکتری دەدەن و هەندێ جار نرخی دیارییەکان دەچێتە ملیۆنان دۆلارو لە یادی لە دایکبوونیشدا جۆرجینا ئوتومبێلێکی جی کڵاسی بۆ ڕۆناڵدۆ کڕی.