زۆرێک لە دایکان و باوکان ڕووبەڕووی ئەو کێشەیە دەبنەوە کە منداڵەکانیان نایانەویت بڕۆن بۆ قوتابخانە بەتایبەت ئەو منداڵانەی لە قۆناغی سەرەتایی خوێندندان، هۆکارەکەشی بەهۆی هۆگربوونیانەوەیە بە دایک و باوکیانەوە.

ماڵپەڕی"mirror"ی بەریتانی سەبارەت بەو بابەتە چەند ڕێنماییەکی خستووەتە ڕوو، ئەوانیش:

یەکەم: سەرەتا پێویستە وا لە منداڵەکەت بکەیت کە ڕۆشتن بۆ قوتابخانە بەلایەوە چێژبەخش بێت، بۆ ئەمەش پێویستە کاتی خەوتن و هەستانی ڕێکبکرێتەوە، بەیانیان زووتر هەستێت و ژەمی نانی بەیانی بۆ ئامادە بکرێت و بیخوات.

دووەم: بۆئەوەی زیاتر منداڵ قوتابخانەی خۆشبوێت باشترە بەردەوام باس لە سوودەکانی نوسین و خوێندنەوە بکەیت بۆ منداڵ، ئەویش لەڕێگەی چیرۆک و گۆرانییەوە زیاتر بۆی ڕوونبکرێتەوە.

سێیەم: بۆ زیاتر چێژ بینین لە خوێندنگە پێویستە ژمارەکانی فێربکەیت لەڕێگەی ئەو شتانەی خۆی ئارەزووی دەکات وەک یارییەکانی.

چوارەم: یاریکردن لەگەڵ منداڵدا و باسکردنی بوونی هاوڕێ لە قوتابخانە بەتایبەت لە پۆلەکانی سەرەتادا، وادەکات زیاتر ئارەزووی قوتابخانە بکات.