لەدوای ٣٠ ساڵ لەڕاکردنەکەی لە زیندان پیاویک خۆی ڕادەست کردەوە

PM:05:10:21/09/2021

3136 جار خوێندراوەتەوە

پیاوێکی ئوستورالی کە زیاتر لە سێ دەیەیە ڕایکردووە لە زیندان لەدوای ئەوەی بێ ماڵ بووە و کاری دەست نەکەوتووە.

ماڵپەری odditycentral لە هەواڵێکدا باس لەوەدەکات کە پیاوێک بەناوی دارکۆ دێسیک لەشەوی یەکی ئابی ساڵی ١٩٩٢دا دەستگیرکراوە و سزای سێ ساڵ و نیو زیندانیکردنی بەسەردا سەپێندراوە بەهۆی ئەوەی ماریوانای لە ماڵەکەیدا چاندووە، بەڵام پاش ماوەیەکەی کەم لە دەستگیرکردنەکەی توانیویەتی لە زیندان هەڵبێت بەهۆی بەکارهێنانی مشار و مقەستی بڕینەوە.

هاوکات ئەوەش باس کردووە کە هێزەکانی پۆلیس نەیانتوانیوە شوێنەکەی دەستنیشان بکەن و دەستیگیری بکەن، هەر بۆیە وەک لە یاسایا دەرچوویەک و هەڵهاتوییەک مایەوە بۆ ماوەی ٢٩ ساڵ، هەر بۆیە کاتێک بینراوەتەوە هەمووان توشی شۆکبوون، دواتر زانراوە کە هۆکاری گەڕانەوەکەی نەدۆزینەوەی شوێنی ژیان و نەبوونی هیچ سەرچاوەیەکەی ژیانەوە بووە پاش قەدەغەکانی هاتوچۆی گشتییەوە لەناوچەی نیو ساوز واڵس.