لەکاتی دووگیانبووندا و لە سەرەتاکانییدا کۆمەڵێك نیشانە
دەردەکەون کە ئاماژەن بۆ ئەو حاڵەتە و خانمان دەبێت بیناسنەوە.
لە لاپەڕەی فەرمیی بەڕێوەبەرایەتیی گشتی تەندروستی
سلێمانیدا ئاماژە بە نیشانەکانیی دووگیانیی کراوە کە بریتین لەمانە:
- لەپێش هەموو
شتێك ژن ئەو كاتە دەزانێت دووگیانە كەسوڕی مانگانەی دوادەكەوێت و پاشان لەڕێگەی
پشكنینی خوێن یان سۆنەر دەردەكەوێت كە دووگیانە.
-نیشانەكانی دووگیانی سێ مانگی یەكەم بریتیە لەوەی دایكەكە
ئارەزوی خواردنی نامێنێت و بێتاقەت دەبێت و تووشی سەرگێژی و هەناسە توندی و بێهێزی
و كەم خەوی دەبێت و میزكردنی زۆردەبێت و تووشی قەبزی دەبێت.
-ئەگەر دایكەكە كەم خوێن بێت نیشانەكانی زیاتر دەبێت لە بێهێزی و ناتوانێت هەموو شتێك
بخوات.
-نیشانەكانی دوو گیانی سێ مانگی دووەم ئەوەیە جووڵەی مناڵەكە
دەست پێدەكات و دایكەكە ووردە ووردە خواردنی بۆ دەخورێت و دەگەشێتەوە و گێژبوون و
هەناسە توندی نامێنێت و ئەگەر دایكەكە نیشانەكانی كەم خوێنی هەبێت ئەوا هەست بە بێهێزی
و بەرچاوڕەش بوون و بێتاقەتی و هەناسە توندی دەكات.
- نیشانەكانی سێ مانگی كۆتایی دووگیانی بریتیە لەوەی
ئافرەتەكە هەست بەقورسایی دەكات و جووڵەی مناڵەكە زۆر دەبێت و قاچەكانی دەئاوسێت و
میزكردنی زۆر دەبێت و تووشی قەبزی و هەناسە توندی دەبێت.