2020-05-29
62930 جار خوێندراوەتەوە
+
-
لەکاتی سووڕی مانگانەدا دەبێت خانمان گرنگی بە جۆری ئەو خواردنانە بدەن کە دەیخۆن، چونکە کاریگەریی لەسەر جەستەیان دەبێت و، ڕەنگە هەندێك جۆر خۆراك ئازاری کاتی سووڕی مانگانە زیادبکات.
ماڵپەڕی "Brightside" ئاماژەی بە دیارترینی ئەو خۆراکانە کردووە کە باشترە خانمان لەکاتی سووڕی مانگانەدا نەیانخۆن، ئەوانیش:
کافایین:
چونکە لە ماوەی سووڕی مانگانەدا تێکچوونی هۆرمۆنەکان کاریگەری لەسەر میزاج دەبێت و وادەکات کەسەکە عاتیفی و تووڕە بێت، خواردنەوەی کافایین لەم ماوەیەدا زیاتر کاریگەریی لەسەر میزاج دەبێت و هەستیاری و توڕەبوون زیاتر دەکات.
شیرەمەنییەکان:
شیرەمەنییەکانی وەك شیر، ماست، پەنیر و هتد، بڕێکی زۆر چەورییان تێدایە، کە دەبنە هۆی زیادبوونی هەوکردن و گرژبوونی ماسولکەکان، ئەمەش هۆکارە بۆ زیادبوونی ئازار لەکاتی سووڕی مانگانەدا.
شیرینی:
خواردنی شەکر و شیرینی وادەکات ئاستی وزەی جەستە بەرزببێتەوە، ئەمەش وادەکات لە سەرەتای خواردنیاندا هەست بە ئارامی بکەیت، بەڵام دواتر وادەکات جەستە ماندوو ببێت و هەوکردنەکان لە جەستەدا زیاد دەکات و ئازاری جەستە زۆرتر دەبێت.
ب.ع