سەردێڕ:

بەهۆی بومه‌له‌رزه‌یه‌ك لە ئه‌فغانستان ٢٢ كه‌س گیانیان له‌ده‌ستدا

AM:09:50:18/01/2022

1000 جار خوێندراوەتەوە

بومه‌له‌رزه‌یه‌ك به‌ گوڕی پێنج پۆینت سێ پله‌ى رێختەر خۆرئاوای ئه‌فغانستانی هه‌ژاند و به‌پێی زانیارییه‌ سه‌ره‌تاییه‌كانیش تا ئێستا به‌هۆیه‌وه‌ ٢٢ كه‌س گیانیان له‌ده‌ستداوه‌.


حاكمی ویلایه‌تی بادگیسى ئەفغانستان رایگه‌یاند، به‌ گوڕی پێنج پۆینت بومه‌له‌رزه‌‌كە لە ناوچه‌ی قادسی سه‌ر به‌ ویلایه‌تیى بادگیس روویداوە، به‌و هۆیه‌شه‌وه‌ ٢٢ كه‌س گیانیان لەدەستداوە و ژمارەیەکى دیكه‌ش برینداربوون.

بە گوێرەی ناوه‌ندی لێكۆڵینه‌وه‌ی جیۆلۆجی ئه‌مریكا، ناوه‌ندى بوومه‌له‌رزه‌كه‌ ٤١ كیلۆمه‌تر له‌ شاری قه‌لعه‌ی نو كه‌ ناوه‌ندی ویلایەتى بادگیسه‌، له‌ خۆرئاوای ئه‌فغانستان دوور بووه‌ و له‌ قووڵایی ١٨ كیلۆمه‌تردا روویداوه‌.

ئاماژه‌ به‌وه‌ش ده‌كرێت، له‌ شارۆچكه‌ی موكورى سه‌ر به‌ پارێزگاكه‌، به‌ هه‌مان شێوه‌ ژماره‌یه‌ك خانوو رووخاون و بەو هۆیەوە ژمارەیەک هاوڵاتى برینداربوون.

هاوکات ده‌سته‌ی لێكۆڵینه‌وه‌ی جیۆلۆجی ئه‌مریكا بڵاوشیكرده‌وه‌، به‌یانی ئه‌مڕۆ بومه‌له‌رزه‌یه‌ك به‌ گوڕی چوار و پۆینت نۆ پلەی‌ رێخته‌ر له‌ ڕۆژهه‌ڵاتی هیندستان رویداوه‌، بەڵام زه‌ره‌ره‌ و زیانه‌كان نه‌زانراون.

هـ.ئـ

Earthquake in Afghanistan: at least 26 dead and several injured - OI CanadianTwin earthquakes in western Afghanistan kill at least 22 - EastMojo












گەلەری