ئاماژەی بەوەشداوە، "لەبەر خراپی رێگەکە و پاراستنی ھاوڵاتییان رێگەی ھەیبەت سوڵتان — چنارۆك دادخرێت و داوا لە ھاووڵاتیان دەکەین کەس سەردانی ئەم رێگەیە نەکات".

هەروەها، لەلایەن خۆشیەوە، قائیمقامیەتی قەزای کۆیە راگەیەنراوێکی بڵاوکردەوە وتیایدا هاتووە، "لە پێناو سەلامەتی گیانی هاوڵاتییان بەگشتی و فەرمان بەران بەتایبەتی، بەهۆی بارودۆخی کەش و هەوا بەبڕیاری تارق حەیدەری قائیمقامی قەزای کۆیە ئەمڕۆ ١٧ی ١ی ٢٠٢٢ لە کۆیە و ناحیە و گوندەکانی سنوری قەزای کۆیە کرایه پشوو له سەرجەم فەرمانگەحکومیەکان و ناوەندەکانی خوێندن".

هاوکات، سەرۆکایەتی زانکۆی کۆیە لە راگەیەنراوێکیدا ئاماژەی بەوەداوە، راگرتنی دەوام ئەوان ناگرێتەوە و لەو زانکۆیە دەوام هەیە.

هەروەها، هەر ئەمڕۆش، بەڕێوەبەرایەتی هاتوچۆی گەرمیان لە راگەیەنراوێکیدا ئاماژەی بەوەدا، مەفرەزەكانیان لە رێگـای سەرەكی (دەربەندیخان- سلێمانی) لە كاردان و چاوێری و هاوكـاری شۆفێران دەكەن و ئاگاداریان کردوونەتەوە كە رێگاكە بەتەواوی گیراوە و هیچ ئۆتۆمبێلێك ناتوانێ تێپەڕێت.

ئەوەشی خستتوەتەڕوو، رێگاكە لە بەرزایەكانی قاشتی و بیركێ بە تەواوی پەكی كەوتووە، بۆیە داوا دەكەن شۆفێران بە هیچ هۆكارێك هاتوچۆ نەكەن.

ئەمەش دوای ئەوە دێت لە شەوی رابردوەوە شەپۆلێكی بەفربارین هەرێمی كوردستان و زۆربەی ناوچەكانی سەر بە پارێزگای سلێمانی گرتووەتەوە و لەسەنتەری شاریش بەفرێكی زۆر باریوە.

کـ ، ئـ