PM:09:37:16/01/2022
56624 جار خوێندراوەتەوە
قائیمقامییەتی قەزای شارباژێڕ رایگەیاند، بەهۆی دۆخی کەش و هەوا و بارینی بەفرەوە دەوامی سەجەم قۆناغەکانی قوتابخانە و باخچەکانی ساوایان راگیران.
قائیمقامییەتی قەزای شارباژێڕ بڵاویکردەوە، "بۆ پاراستنی سەلامەتی خوێندكاران و مامۆستایان و فەرمانبەران، بەهۆی ئەو شەپۆلی سەرما و بەفرەی سنوری پەروەردەكەمانی گرتووەتەوە، بریارماندا سبەینێ دووشەممە، دەوامی سەرجەم قوتابخانە و باخچەكانی سنوری پەروەردەكەمان و دیوانی پەروەردەكەمان رابگرین."
ئەوەش لە کاتێکدایە، ماوەی نزیکی مانگێکە شەپۆلێکی سەرما
رووی لە هەرێمی کوردستان کردووە و هەفتەیەکیش دەبێت شەپۆلێکی سەرما و بەفر و باران
رووی لە هەرێم کردووە.
ئێوارەی ئەمڕۆش شەپۆلێکی بەفربارین ناوشاری سلێمانی و چەند
شار و ناوچەیەکی دیکەی گرتووەتەوە و تاوەکو ئێستا بارینی بەفر بەردەوامە، ئەگەر دۆخی
کەش و هەواش بەو جۆرە بەردەوام بێت پێدەچێت دەوامی سبەینێی قۆناغەکانی دیکەی خوێندن
و زانکۆکان رابگیرێت.
هـ. ئـ
