پەرلەمانتارێکی نەوەی نوێ رایگەیاند، نرخی بەرمیلێک نەوت نزیک دەبێتەوە لە ٩٠ دۆلار و حکومەتەکەی پارتی و یەکێتیش تا ئێستا موچەی مانگی ١٢ی نەداوە.
مژدە مەحمود ئەندامی پەرلەمانی کوردستان لە فراکسیۆنی نەوەی نوێ رایگەیاند، نرخی نەوت هەر بەرز دەبێتەوە، بەڵام حکومەتەکەی پارتی و یەکێتی هێشتا موچەی مانگی ١٢یان بە تەواوی دابەش نەکردوە.
پێشتر، حکومەتی
هەرێم رایگەیاند، کە هەموو ٢٥ی مانگێک موچە دابەشدەکەن، بەڵام ئێستا ناوەڕاستی
مانگی یەکە و موچەی مانگی ١٢ بە تەواوی دابەشنەکراوە.
داھاتی نەوتی فرۆشراو
بە بۆری زیاتر لە ترلیۆنێک و ٢٠٠ ملیار دینارە و کۆی داھاتی ناوخۆش زیاتر لە ٥٠٠
ملیار دینارە لەگەڵ ھاوکاری مانگانەی ھاوپەیمانان کە ٢٨ ملیار دینارە، بەڵام حکومەت
بۆ دابەشکردنی موچە چاوی لە ٢٠٠ ملیارەکەی بەغدایە.