ئاماژەی بەوەشکردووە، پاش چوونى هێزه‌كانى پۆلیسى دوكان و به‌رگرى شارستانى بۆ شوێنى رووداوه‌كه‌ ده‌ركه‌وت كه‌ ئۆتۆمبێلێكى جۆرى ميتسیوبوشى ژماره‌ى نه‌ینه‌وا به‌ته‌واوه‌تى سوتاوه‌ و شۆفێره‌كه‌ى به‌ناوێكى خوازراوه‌وه‌ خۆى وەک پێشمه‌رگه‌ ده‌ناسێنێت و سێ كه‌سى تریش له ‌شوێنى رووداوه‌كه‌ بڕى پێنج ملیۆن و ٧٩٤ هه‌زار دینارى عێراقى و ٣٢٠ دۆلار و ٥٠ یۆرۆیان له‌ رێبوارانى ئه‌و شه‌قامه‌ بۆ شۆفێرى ئۆتۆمبێله‌ سوتاوه‌كه‌ كۆكردووەته‌وه‌.

راشیگەیاندووە، "بەھۆی گومانیان لە رووداوەکە، مه‌فره‌زه‌كانى بنكه‌ى پۆلیسى خه‌له‌كان ده‌ستبه‌جێ لێكۆڵینه‌وه‌ى وردیان ده‌ستیپێكرد و زانرا كه‌ خاوه‌نى ئۆتۆمبێله‌كه‌ ناوى (م ، خ ، أ له‌دایكبووى 1992)دانیشتوى قه‌زاى ئاكرێیه‌ و پیشه‌ى پێشمه‌رگه‌ نییه‌ و به‌ناوى پێشمه‌رگه‌وه‌ ئه‌م كاره‌ى كردووه‌ و پۆشاكى پێشمه‌رگەى له‌به‌ركردووه‌ و ئه‌و كه‌سانه‌شى كه‌ پاره‌كه‌یان بۆ كۆكردووەته‌وه‌ شه‌ریكى تاوانه‌كه‌ى بوون و ئۆتۆمبێله‌كه‌ش به‌نرخێكى هه‌رزان كریویانه‌ و خۆیان سوتاندویانه‌."

وتووشییەتی، ئه‌م باندە چه‌ند جارێک ئه‌و تاوانه‌یان ئه‌نجامداوه‌ له ‌به‌حركه‌ و سه‌نگه‌سه‌ر و چه‌ند پارێزگایه‌كى تر و له‌كاتى لێكۆڵینه‌وه‌شدا دانیانناوه‌ به‌تاوانه‌كه‌یاندا.