PM:12:53:12/01/2022
9096 جار خوێندراوەتەوە
وەزیری سامانە سروشتییەکان رایگەیاند، :"رێکەوتنێک هەبووە لەگەڵ حکومەتی عێراق و بڕیار بووە مانگانە ملوێنێک و هەشتا هەزار لیتر بەنزین بنێرێت، بەڵام بەهۆکاری تەکنیکی نەیناردووە".
ئەمڕۆ چوارشەممە، کەمال ئەترووشی وەزیری سامانە سروشتییەکان لە کۆنفڕانسێکی رۆژنامەنووسیدا لەزاخۆ، رایگەیاند:" کێشەی بەنزین لە زاخۆ کە لیتری بە زیاتر لە ٨٠٠ دینار دەفرۆشرێت، بەهۆی ئەوەوەیە کە ئێمە رێککەوتنێکمان لەگەڵ حکومەتی عێراق هەبووە و بەجۆرێک بووە کە بەغدا دەبوو ملیۆنێک و ٨٠ هەزار لیتر بەنزین بەکوالیتییەکی باش بنێرێت".
ئاماژەی بەوەشکرد، دوای ئەوەی چووەتە بەغدا لەگەڵ وەزیری نەوتی عێراق قسەی کردووە کە مانگانە ئەو ملیۆن و ٨٠ هەزار لیترە بنێرنە
هەرێمی کوردستان، بەڵام وەک دیارە کێشەی تەکنیکی و کێشەی دیکە بوونەتە هۆکار لە ناردنی ئەو بڕەی
بەنزین بەردەوام نەبوو راگیرا.
دەشڵیت، ئەو بڕە بەنزینەی عێراق دەینێرێت بەشی هەرێمی کوردستان ناکات، بەڵام ئەگەر بێت و بڕی ئەو بەنزینەی عێراق دەینێرێت زیاتر بێت و لە
کوردستان رێژەی بەرهەمهێنان زیاتر بێت ئەوا دەکرێت دۆخەکە باشتر ببێت.
