پاش ئەوەی لەماوەی رابردوودا بۆ ماوەی ١٥ رۆژ هاتوچۆی نێوان هەرێم و ئێران راگیرا، لەم هەفتەیەدا وادەکە کۆتایی دێت و هاتوچۆ ئاسایی دەبێتەوە.
عەبدوڵڵا ئاکرەیی بەڕێوەبەری گشتیی پەیوەندییەکانی نێوان ھەرێمی کوردستان و ئێران بە ماڵپەڕی فەرمی پارتی راگەیاندووە، بە مەبەستی رێگریکردن لە تەشەنەکردنی ڤایرۆسی کۆرۆنا، ئێران بۆ ماوەی ١٥ ڕۆژ رێکارەکانی ھاتوچۆی توند کردبوو، بەڵام لەم ھەفتەیەدا وادەکە کۆتایی دێت و ئەگەر بڕیاری دیکە نەدرێت، ھاتوچۆ ئاسایی دەبێتەوە.
ئاماژەی بەوەشكردووە، بڕیارەکە وەزارەتی تەندروستی ئێران
ماوەیەک لەمەوبەر دەریکرد، کە بۆ ماوەی ١٥ ڕۆژ ھاتوچۆکردن لە نێوان ھەرێم و ئێران
رێکارەکان توند دەبن و تەنھا بۆ ھەندێک حاڵەتی زۆر پێویست نەبێت وەکو نەخۆشی و ھەندێک
حاڵەتی دیکە.
ئەوەشی خستەڕوو، بازرگانیکردن لە نێوان ھەرێم و ئێران بەردەوامە
و رانەگیراوە و لە ئاستێکی باشدایە، بڕیاریشە شاندێکی ئێرانی بە سەرۆکایەتی پارێزگاری
ئورمیە سەردانی ھەرێمی کوردستان بکات، بۆ ئەوەی ئاڵوگۆڕی بازرگانی لە نێوان ھەردوولا
باشتر بکرێت.
دەشڵێت، ھەرێم و ئێران گرنگی بە پەیوەندییەکانیان دەدەن،
بە تایبەت لە بواری بازرگانی و بەردەوامیش ھەوڵ دەدرێت ئاڵوگۆڕی بازرگانی زیاتر
بکرێت.
لەماوەی رابردوودا، بەمەبەستی رێگریکردن لەبڵاوبوونەوەی ڤایرۆسی
کۆرۆنا و وەک رێکارێکی تایبەت بە ڤایرۆسەکە؛ بۆ ماوەی ١٥ رۆژ گەشتی نێوان هەرێم و
ئێران راگیرا.
هـ.ئـ