سەردێڕ:

لە روداوێکی هاتووچۆدا حەوت کەس بریندار بوون

PM:11:23:28/07/2021

6020 جار خوێندراوەتەوە

بەڕێوەبەرایەتی هاتووچۆی گەرمیان رایگەیاند، ئەم شەو لەسەر رێگای کەلار- کفری لە نزیک گوندی ولی هەییەر پێکدادان لە نێوان دوئۆتۆمبێلدا روویدا و بەهۆیەوە حەوت کەس برینداربوون کە برینی دوانیان سەختە.


بەشی راگەیاندنی بەڕێوەبەرایەتی هاتووچۆی گەرمیان راگەیەنراوێکی بڵاوکردەوە و تیایدا هاتووە، ئەم شەو لەسەر رێگای کەلار- کفری لە نزیک گوندی ولی هەییەر پێکدادان لە نێوان دوئۆتۆمبێلدا روویدا و بەهۆیەوە حەوت کەس برینداربوون. دەشڵێت، برینی دوانیان سەختە کە شۆفێرەکانن.

ئاماژەی بەوەشداوە، ئۆتۆمبیلەکان لە جۆری BMW و پیکاب دێر بوون.

لە راگەیەنراوەکەدا ئەوەشخراوەتەڕوو، رووداوەکە لەکاتێکدا بووە ئۆتۆمبێلی جۆری BMWبەئاراستەی کەلار هاتووە و پیکابەکە بەپێچەوانەوە، لەنزیک گوندی ولی هەییەر پێکیانداداوە.

لە راگەیەنراوەکەدا باس لەوەشکراوە، ئۆتۆمبێلی جۆری دێر سێ کەسی تێدابووە و ئۆتۆمبێلی جۆری BMW چوار کەسی تێدابووە.

دەشڵێت، بەپێی زانیاریە سەرەتاییەکان هەموویان برینداربوون و گواستراونەتەوە بۆ نەخۆشخانە و برینی هەردو شۆفێرەکە سەختە.

ئاماژەی بەوەشداوە، تیمی هاتووچۆی گەرمیان گەشتونەتە سەر رووداوەکە و لێکۆڵینەوە دەستی پێکردوە.

رووداوەکانی هاتوچۆ بە یەکێک لە هۆکارە سەرەکیەکانی گیان لەدەستدان لە هەرێمدا دادەنرێت، هاوڵاتیانیش زۆری رووداوەکانی هاتوچۆ بۆ خراپی رێگا و بانەکان دەگەڕێننەوە، لە بەرامبەریشدا، بەرپرسانی هاتوچۆ هۆکاری رووداوەکان بۆ پابەندنەبوونی شۆفێران بە رێنماییەکانی هاتوچۆوە دەگەڕێننەوە.

No description available.

No description available.






گەلەری