وەزارەتی گەنجینەی ئەمریکا لە هەنگاوێکیدا بەهۆی یارمەتیدانی گروپی چەکداری قاعیدە و پاڵپشتیکردنیان سزای بەسەر گروپی چەکداری تەحریر شامی نزیك لە تورکیادا سەپاند.
وەزارەتی
گەنجینەی ئەمریکا راگەیەنراوێکی بڵاوکردەوە و تیایدا ئاماژەی بەوەداوە، ئەمریکا زانیاری
هەبووە لەسەر ئەوەی دوو کەس پاڵپشتی دارایی گروپێکی چەکداری لە سوریا دەکەن کە یەکێک
لەو دوو کەسە لە تورکیا دەژی و ئەوەی دیکەیان لەسوریا.
ئاماژەی
بەوەشداوە، ئەو دوو کەسە کاریان هەماهەنگیکردن و حەواڵەکردنی پارەی ئەو گروپە بووە
بۆ تورکیا.
بەگوێرەی
راگەینراوەکە، وەزارەتی گەنجینەی ئەمریکا سزای بەسەر گروپی چەکداری تەحریر شام و پێنج
بەرپرسی دیکەی نزیك لە حکومەتی سوریادا سەپاند، سزای پێنج بەرپرسەکەی بۆ ئەشکەنجەدانی
گیراوانی لەو وڵاتە گێرایەوە.
ئەندریا جاکی، بەڕێوەبەری
نووسینگەی کۆنترۆڵی سامانەکانی دەرەوە رایگەیاند،گروپە چەکدارەکانی وەک قاعیدە و تەحریرشام بەردەوامن لەکۆکردنەوەی کۆمەک و
دامەزراندن لەرێگەی ئینتەرنێتەوە لە جیهاندا بەسوودوەرگرتن لەکەرتی بانکی نێودەوڵەتی
بۆ پشتیوانیکردن لەچالاکیەکانیان.
ئاماژەی بەوەشدا،
"وەزارەتی گەنجینەی ئەمریکا دەیەوێت پشتیوانی تۆڕەکانی قاعیدە و گروپەکانی
هاوپەیمانی سڕبکات و نەیان هێڵێت".
ئەوەشی خستەوەتەڕوو،
ئەندامانی قاعیدە هەژماری بانکی بۆ کۆکردنەوەی کۆمەکیکی و بەردەوامبوونی جوڵەکانیان
لەسەرتاسەری باکووری ئەفریقا، خۆر ئاوای ئەوروپا و ئەمریکای باکوور بەکاردەهێنن.
بەگوێرەی
رەگەیەنراوەکە، ئەمریکا بەپێی مادەی١٣٢٤٤ی تیرۆر سزای بەسەر گروپی تەحریر شام سەپاندووە.