PM:05:07:29/12/2021
199784 جار خوێندراوەتەوە
کەشناسی عێراق رایگەیاند، سبەینێ پێنجشەممە لە ناوچەکانی باشوری عێراق بارانێکی بەخوڕ دەبارێت و هەورە بروسکەی بەهێزی لەگەڵدا دەبێت، دەشڵێت، شەوی سەری ساڵ ئاسمانی هەرێم نیمچە هەور دەبێت.
ئەمڕۆ چوارشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەینێ پێنجشەممە لە ناوچەکانی باشوری عێراق پێشبینی دەکرێت بارانێکی بەخوڕ ببارێت و هەورە بروسکەی بەهێزی لەگەڵدا دەبێت.
ئاماژەی بەوەشداوە،
هەر سبەینێ لە هەرێم و ناوچەکانی ناوەڕاستی عێراقیش ئاسمان هەور دەبێت، بەڵام ئەگەری
باران بارین نییە و پلەکانی گەرماش هاوشێوەی رۆژەکانی پێشووتر دەبن.
لەبارەی کەش و هەوای
رۆژی هەینییەوە کە شەوی سەری ساڵە، کەشناسی عێراق ئەوەی خستووەتەڕوو، ئاسمانی هەرێم
نیمچە هەور دەبێت و گۆڕانکاریش لە پلەکانی گەرمادا روونادات.
دوێنێش، کەشناسی
عێراق رایگەیاند، پێشبینی دەکرێت رۆژی پێنجشەممە لە ناوچەکانی باشوری عێراق بارانێکی
زۆر ببارێت و ببێتە ھۆی دروستبوونی لافاو.