باسیان لەوەشکرد، پاش بەدواداچوون و سەرنجدان تیمەکان بۆیان دەرکەوت لە ناو بەلەمەکەدا ١٤٣ کۆچبەری نایاسایی بوونیان هەیە و پاشان دەستگیریان کردن، ئاماژە بەوەشکراوە کە هاووڵاتیی چەند وڵاتێکی جیاوازبوون و لە نێویاندا ژن و منداڵیش بوونیان هەبووە.

ئاژانسەکە باسی لەوەشکردووە، کۆچبەرەکان دوای ئەنجامدانی رێکارەکانیان، براونەتە ناوەندی دووبارە دیپۆرتکردنەوەی کۆچبەرانی شارۆچکەی ئایڤاجک.

هاوکات، شەش تۆمەتباریش بە تۆمەتی قاچاخچێتی و بازرگانیکردن بە کۆچبەرانەوە، دەستبەسەرکران.

ئەمەش لە کاتێکدایە، شەوی رابردوو یەختێک بە ١٠٥ کۆچبەرەوە نوقومبوو کە ١٠٠ کەسیان خەڵکی هەرێمی کوردستان بوون و نزیکەی ٩٠ کەسیان رزگاریان بووە و ١٣ کەسیان گیانی لەدەستداوە کە ١١ یان کوردن.

رۆژی ٢١ی مانگە یەختێکی کۆچبەران بە ٧٠ کۆچبەرەوە بەهۆی دروستبوونی کێشە لە یەختەکەیاندا نوقومبوومبوون کە بەنیازبوون لە تورکیاوە بگەنە کەنارئاوەکانی ئیتاڵیا و ، تا ئێستا زۆرینەی هەرە زۆری کۆچبەران بێسەروشوێنن.

‎رۆژی٢٤ی مانگی رابردوو، بەلەمێکی کۆچبەران لە نێوان فەڕەنسا و بەڕتانیا نوقوم بوو، بەهۆیەوە ٢٧ کۆچبەر خنکان کە ١٦ کەسیان خەڵکی هەرێمی کوردستان بوون و تا ئێستا تەرمەکانیان نەگەڕاوەتەوە هەرێمی کوردستان و بڕیار وایە هەینی داهاتوو بگەڕێندرێنەوە و کەسێکیشیان خەڵکی رۆژهەڵاتی کوردستان بوو.