بەگوێرەی زانیارییەکانی پەیامنێری ئێن ئاڕ تی، ئەمشەو داعش جارێکی دیکە هێرشیکردووەتەوە و لەگەڵ پۆلیسی عێراقیدا روبەڕوبوونەوە روویداوە و سێ پۆلیس بریندارن.
پەیامنێری ئێن ئاڕ تی رایگەیاند، لە سنوری قەزای شارەبانی سەر بە پارێزگای دیالە چەکدارانی داعش هێرشیانکردووەتە سەر هێزەکانی پۆلیسی عێراق.
ئاماژەی بەوەشکردووە،
بەهۆی هێرشەکەوە سێ پۆلیس بریندارن و هێزی دیکە گەیشتوونەتە شوێنی رووداوەکە.
هەر ئەمشەو پەیامنێری
ئێن ئاڕ تی وتی، چەکدارانی داعش هێرشیانکردە سەر سوپای عێراق لە ناوچەی عوزێمی سەر
بە پارێزگای دیالە و بۆ ماوەیەک شەڕ بەردەوام بووە، بێ ئەوەی زیانی گیانی لێبکەوێتەوە.
ئەوەش لەکاتێکدایە،
لە چەند هەفتەی رابردوودا بەهۆی هێرشی بەردەوامی داعشەوە لە چەند ناوچەیەک ٢٥ پێشمەرگە
و هاوڵاتی شەهیدبوون و چەندانی دیکەش بریندار بوون.
گروپی چەکداری
داعش لە ساڵی ٢٠١٤ توانییان دەست بەسەر روبەرێکی فراوان لە خاکی سوریا و عێراقدا
بگرن، دواتر بە هاوکاری ئەمریکا و هاوپەیمانی نێودەوڵەتی دژی داعش لە ساڵی ٢٠١٧
حکومەتی عێراق شکستپێهێنانی گروپەکەی لە خاکی عێراق راگەیاند، بەڵام تا ئێستاش
جموجوڵی شانە نوستووەکانی گروپەکە لە چەند ناوچەکە بەردەوامی هەیە.