ئەندامێکی رەوتی سەدر رایگەیاند، لەگەڵ پێکهێنانی حکومەتی زۆرینەدان، بەڵام لە حاڵەتی پێکنەهێنانیدا دەبنە ئۆپۆزسیۆنێکی کارا، دەشڵێت، "تائێستا هیچ هاوپەیمانێتییەک نەکراوە."
سادق حەسناوی ئەندامی نوسینگەی موقتەدا سەدر رێبەری رەوتی سەدر رایگەیاند، سەدر لەگەڵ پێکهێنانی حکومەتی زۆرینە دایە، بەڵام لە حاڵەتی پێکنەهێنانی حکومەتی زۆرینە وەک ئۆپۆزسیۆنێکی کارا رۆڵی خۆی دەگێڕێت لە چێوەی چاودێریی پەرلەمانیدا، دەشڵێت، "نابینە بەشێک لە هیچ حکومەتێکی تەوافوقی."
باسی
لەوەشکردووە، حکومەتەکانی پێشوو لاوازبوون و کەموکوڕیی زۆریان تێدابووە لەبەر ئەوەی
لەسەر بنەمای سازان پێکهێنرابوون.
ئەوەشی خستەڕوو،
رەوتی سەدر نایەوێت عێراق ببێتە ماڵی جیا جیا لە شیعە، سوننە و کورد، بەڵکو دەیەوێت
هەمووان بە ناسنامەی نیشتمانی عێراقییەوە هەوڵبدەن بۆ عێراقێک کە هی هەموولایەک بێت.
ئاماژەی بەوەشکردووە،
سەدر سەرجەم هێزە سوننی و کوردییەکانیش قبوڵ دەکات، بەڵام تائێستا هیچ هاوپەیمانێتییەک
بوونی نییە.
رۆژی ٢ ی ئەم
مانگە، موقتەدا سەدر و لایەنە شیعییەکان لە ماڵی هادی عامری کۆبوونەوە و بەگوێرەی
زانیارییەکان، رێککەوتن کراوە لە نێوان لایەنە بەشداربووەکاندا بۆ پێکهێنانی لیژنەیەکی
هاوبەش تاوەکو ببێتە کارنامەی حکومەتی داهاتوو و بنەمایەکیش بێت بۆ پێشکەشکردنی بۆ
هاوبەشە سیاسییەکانی دیکە.
لە مانگی ١٠ی ئەمساڵدا،
هەڵبژاردنی پێشوەختەی پەرلەمانی عێراق بەڕێوەچوو و تیایدا بۆ یەکەمجار نەتەوەیەکگرتووەکان
چاودێری هەڵبژاردنەکانی کرد، لە چەند رۆژی رابردووشدا کۆتا ئەنجامی هەڵبژاردنەکان
لە دوای تانەکان و پێداچوونەوەکان راگەیەنرا.