PM:06:31:15/12/2025
18836 جار خوێندراوەتەوە
تەم و مژێکی چڕ پارێزگای هەولێری گرتووەتەوە و کەشناسی هەرێمیش دەڵێت، ئەو تەم ومژەی ئێستا سەنتەری پارێزگای هەولێری گرتووەتەوە تاوەکو سبەی بەیانی کاتژمێر ١٠ بەردەوامی دەبێت و لە هەندێک ناوچە بەهۆی تەم و مژەوە ئاستی بینین بۆ ١٠٠ مەتر کەمدەبێتەوە.
ئەمڕۆ دووشەممە، ١٥ـی کانوونی یەکەمی ٢٠٢٥، بەڕێوەبەرایەتیی گشتیی کەشناسی و بوومەلەرزەزانی هەرێم بڵاویکردەوە، سەبارەت بەو تەم ومژەی ئێستا سەنتەری پارێزگای هەولێری گرتووەتەوە تاوەکو سبەی بەیانی کاتژمێر ١٠ بەردەوامی دەبێت.
هەروەها ئاماژە
بەوەشکراوە، ئەمشەو کاریگەریەکەی زیاد دەبێت و بەگشتیی مەودای بینین کەم دەبێتەوە
بۆ کیلۆمەترێک لە هەندێک شوێن کەمتردەبێتەوە بۆ کەمتر لە ١٠٠ مەتر، مەودای بینینی
ئێستای سەنتەری پاریزگای هەولێر ١٠٠ مەترە و هەروەها سەنتەری پارێزگای دهۆک حەوت
کیلۆمەترە.
هاوکات کەشناسی عێراق هۆشداریدا سبەی لە کاتژمێرەکانی بەیانیدا لە زۆربەی
شارەکانی عێراق و هەرێم جگە لە شارەکانی رۆژئاوی عێراق تەمێکی چڕ دروست دەبێت و
مەودای بینین زۆر کەمدەبێتەوە بەتایبەت لە رێگاکانی دەرەوەی شار.
