PM:01:00:15/12/2025
1072 جار خوێندراوەتەوە
سەرۆک کۆماری تورکیا دەڵێت، دەستپێکردنی پرۆسەی ئاشتی ئارامی بۆ ناوچەکانی باشوری رۆژهەڵات و رۆژهەڵاتی ئەنادۆڵ گەڕاندووەتەوە و پەرلەمانیش هەنگاوی خێرای بۆ کۆتاییهێنان بە شەڕ ناوە.
ئەمڕۆ دووشەممە ١٥ـی کانونی یەکەمی ٢٠٢٥، رەجەب تەیب ئەردۆغان وتی، ساڵانێکە ناوچەکانی باشوری رۆژهەڵات و رۆژهەڵاتی ئەنادۆڵ تووشی شەڕ و ئاڵۆزی بوون، ئەم ئاڵۆزییانە بە جۆرێکبوون ژمارەیەکی زۆر خەڵک لەو شەڕانەدا کوژراون و گەنجەکانیان نەیانتوانیوە لە ژینگەیەکی تەندروستدا لە خوێندنگەکان بخوێنن.
ئاماژەی بەوەشکرد، بۆ رزگاربوون لەو
دۆخی شەڕە، بڕیاریاندا کۆتایی بە پێکدادان و کێشەکان بهێنین و بە خێرایی هەنگاو
بنێن بۆ پرۆسەی ئاشتی یاخود "تورکیای بێ تیرۆر".
ئەردۆغان وتیشی، پەرلەمان ئەرکی
خۆیان سەبارەت بە پرۆسەی ئاشتی گرتووەتە ئەستۆ، ئەوانیش هەوڵەکانیان بۆ پرۆسەکە
خێراتر کردووە و چەکەکانیش سوتێنراون، دڵنیان ئیتر لەم ناوچانە خەڵک بە ئازادی
هاتوچۆ دەکات و ئارامی گەڕاوەتەوە.
