AM:11:03:15/12/2025
1060 جار خوێندراوەتەوە
لە چوارچێوەی هەڵمەتەکان بۆ هاوکاریکردنی لێقەوماوانی چەمچەمچەماڵ، فاروق مەلا مستەفا خاوەنی کۆمپانیای ئاسیاسێڵ، یەک ملیار و ٢٠٠ ملیۆن دیناری بەخشییە زیانلێکەوتوانی لافاوەکەی چەمچەماڵ.
ئەمڕۆ دووشەممە ١٥ـی کانونی یەکەمی ٢٠٢٥، ماوەی چەند رۆژێکە لە زۆربەی شار و شارۆچکەکانی هەرێمی کوردستان و لە دەرەوەش هاوڵاتیان و سەرمایەداران، هەڵمەتێکیان دەستپێکردووە بۆ یارمەتیدانی زیانلێکەوتووانی لافاوەکەی چەمچەماڵ.
لەو چوارچێوەیەدا فاروق مەلا مستەفا، سەرمایەدار
و خاوەنی کۆمپانیای ئاسیاسیڵ بەشداری کرد لە هەڵمەتەکە و وتی، بڕی یەک ملیار و ٢٠٠
ملیۆن دینار دەبەخشێتە خەڵکی زیانلێکەوتووی چەمچەماڵ.
ئەوەش لە کاتێکدایە، تا ئێستا حکومەتی
ماوەبەسەرچوو بەدەم خەڵکی لێقەوماوی چەمچەماڵەوە نەچووە و خێرخواز و خەڵکی شارەکە
لە هەوڵی پاککردنەوەی ماڵ و شەقامەکانیاندان و هاوکاری بۆ زیانلێکەوتوان
کۆدەکەنەوە.
