سەردێڕ:

لە کەرکوک بۆمبێک تەقییەوە

PM:11:19:04/12/2021

34156 جار خوێندراوەتەوە

پەیامنێری ئێن ئاڕ تی لە کەرکوک رایگەیاند، لە نزیک وێستگەی بابەگوڕگوڕ بۆمبێکی دەنگی تەقیوەتەوە و دوو کەس بە سووکی بریندار بوون.


ئەمشەو، سۆران محەمەد پەیامنێری ئێن ئاڕ تی لە کەرکوک رایگەیاند، بۆمبێک لە نزیک وێستگەی بابەگوڕگوڕ لە گەڕەکی غەرناتەی شاری کەرکوک تەقیوەتەوە.

بەگوێرەی زانیارییەکانی پەیامنێری ئێن ئاڕ تی، بۆمبەکە لە جۆری بۆمبی دەنگی بووە، بەوھۆیەوە دوو کەس بە سووکی بریندار بوون.

ئەوەشی خستەڕوو، رووداوەکە کاتژمێر ١١ی ئەمشەو روویداوە و تا ئێستاش هیچ کەسێک لەسەر رووداوەکە دەستگیرنەکراوە.

ئەمەش لەکاتێکدایە، ئەمشەو بۆ جارێکی دیکە، لە گوندێکی ناحیەى سەرگەڕانى پارێزگاى کەرکوک داعش هێرشیکرد و دانیشتوانى ناوچەکەش روبەڕویان بوونەوە.


 








گەلەری