کۆمەڵەی هەنگەوانانی عێراق رایگەیاند، زیاتر لە ١٠٠ هەنگەوان کە زۆربەیان دانیشتووی دیالەن، بەهۆی بەرزبوونەوەی پلەکانی گەرما و هاتنی وەرزی پشکۆی هاوینەوە روویان لە هەرێمی کوردستان کردووە و تا وەرزی پایز دەمێننەوە.
ئەمڕۆ یەکشەممە،
عەلوان مەیاحی سەرۆکی کۆمەڵەی هەنگەوانانی عێراق رایگەیاند، کۆچکردن و رووکردنە هەرێم
گرتنەبەری رێوشوێنێکی ساڵانەیە کە هەنگەوانانی دیالە و پارێزگاکانی دیکە بەهۆی بەرزبوونەوەی
پلەکانی گەرماوە کە کاریگەری لەسەر پرۆسەی زۆربوونی هەنگ هەیە، دەیگرنەبەر و روو لە هەرێم دەکەن.
ئاماژەی بەوەشدا،
ئامانج لە چوونی هەنگەوانەکان بۆ هەرێم زۆربوونی
هەنگەکان و دۆزینەوەی ئەو ناوچانەیە کە گوڵ و گوڵزارییان هەیە.
دەشڵێت، بەشێکی
دیکە لە پێناو پاراستنی هەنگەکان لە زەردەواڵە و شەنگە سورە کە مەترسین لەسەر زۆربوونی
هەنگەکان لە مانگی هاویندا.
عەلوان مەیاحی ئەوەشی
خستەڕوو، لەمساڵدا، هەنگەوانانی دیالە و کەربەلا و بەغدا روویان لە ناحیەی رەبیعە
لە نەینەوا و قەزای رانیە لە سلێمانی کردووە.
وتیشی، ساڵانە
تا کۆتایی مانگی ئەیلول و سەرەتای وەرزی پایز گەشتکردنی هەنگەوانەکان بۆ هەرێم بەردەوامدەبێت.
ئەمە لەکاتێکدایە،
لە سەرەتای هاتنی وەرزی هاوین و بەرزبوونەوەی پلەکانی گەرماوە، کەشناسی هەرێم و عێراق
بەردەوام هۆشیارییانداوە لەبارەی بەرزبوونەوەی پلەکانی گەرما و ئاگاداربوونی هاوڵاتیان
لە پاراستنی خۆیان و خۆنەخستنە بەر تیشکی خۆر.