دەشڵێت، "پرسی باڵانسی هێز لە کەرکوک گرنگییەکی زۆری بۆ کەرکوک و ناوچە دابڕێندراوەکان هەیە، "جێگەی شەرمە پارتی و یەکێتی لە پرسی گەڕاندنەوەی خاکەوە ئێستا بەڵێنی هەڵکردنی ئاڵا دەدەن".

وتیشی، "نیگەرانین یەکێتی و پارتی جارێکی دیکە بێن راکان جبوورییەکی دیکە قوت بکەنەوە بۆسەر کەرکوکییەکان، هەرئێستا پارێزگاری کەرکوکیان کاندید کردووە بۆی بەڕێی بکەن بۆ بە‌غدا و رێگە بۆ خۆیان خۆشبکەن، رێککەوتنی هۆتێل رەشید کە لەگەڵ هێزە عێراقییەکان کردوویانە جێبەجێ بکەن و پارێزگارێکی تورکمان یان عەرەب بەسەر کەرکوکییەکاندا قوت بکەنەوە".
باسی لەوەشکردووە، "لە دوای ٢٠٠٣ـەوە بەردەوام کورد زۆرینە بووە لە کەرکوک، بەڵام سیاسەتی یەکێتی و پارتی لە کەرکوک وایکردووە زۆربەی پۆستە گرنگەکانی کەرکوک لای نەتەوەکانی کورد و عەرەب بن، بەمشێوەیە، رێژەی لە ٢٠٪ـی بەڕێوەبەری فەرمانگەکان کوردن، هەروەها لە ٢٢٪ـی فەرمانبەران لە کەرکوک کوردن، لە قەزای و ناحیەکانی کەرکوک سێ قایمقامی عەرەب و یەک تورکمان و هیچ کورد، لە پۆستەکانی ئاسایشی نیشتمانیش کورد لە ٨٪ـی هەیە و لە کۆمپانیای نەوتی باکوور تەنها دوو هەزار و ٥٠٠ فەرمانبەری کورد هەیە".
ئومێد محەمەد جەختی لەوەشکردەوە، "نەوەی نوێ کاردەکات بۆ زیادکردنی پشکی دامەزراندنی کورد لە کەرکوک"، هەروەها ئاماژەی بەوەشکرد، "پارتی و یەکێتی لە کەرکوک تەنها چاویان لە دزینی نەوت و سامان و داهاتی شارەکە بووە".