وەزیری دەرەوەی ئێران دەڵێت، تاران ئامادەیە بۆ هەموو ئەگەرەکان و پێشبینی هەر کردەیەکی هێرشبەرانەی ئیسرائیل دەکات.
ئەمڕۆ شەممە ١ـی تشرینی دووەمـی ٢٠٢٥، عەباس عێراقچی، وەزیری دەرەوەی ئێران لە چاوپێکەوتنێکدا وتی، ئێران ئەزمونێکی گەورەی لە شەڕی ١٢ رۆژەی لەگەڵ ئیسرائیل بەدەستهێناوە و موشەکەکانی لە شەڕێکی راستەقینەدا تاقیکردووەتەوە.
دووپاتی
کردەوە، پیتاندنی یۆرانیۆم لە ئێران بەردەوام دەبێت، ئەگەری گەیشتن بە رێککەوتنێکی
دادپەروەرانە هەیە، بەڵام ئەمریکا مەرجی قبوڵنەکراو و مەحاڵی بۆ جێبەجێکردنی
سەپاندووە.
وەزیری دەرەوەی
ئێران ئاماژەی بەوەشکردووە، "ناتوانین پیتاندنی یۆرانیۆم بوەستێنین،
دانوستانیش لەسەر بەرنامە موشەکییەکەمان ناکەین".
باسی لەوەشكردووە،
ماددە ئەتۆمییەکانی ئێران هێشتا لەژێر داروپەردووی دامەزراوە ئەتۆمییە
بۆردومانکراوەکاندان و بۆ هیچ شوێنێکی دیکە نەگوازراونەتەوە.