PM:03:29:27/10/2025
1204 جار خوێندراوەتەوە
دابەشکردنی مووچەی مانگی هەشت لە کۆتایی مانگی ١٠ دەستیپێکرد، بەهۆی نەبوونی پارەشەوە لە بانکەکان و ئەی تی ئێمەکان لە هەولێر و سلێمانی کێشە بۆ دابەشکردنی مووچە دروستبوو.
ئەمڕۆ دووشەممە ٢٧ـی تشرینی یەکەمـی ٢٠٢٥، بەشێکی خانەنشینان لە بەیانی زووەوە چونە بەردەم بانکەکان و قەرەباڵغییەکی زۆر دروستبوو، خانەنشینانیش دەڵێن، هەموو مانگێک بەم شێوەیە و لە نارەحەتییەکی زۆردا و پاش نۆرەگرتنێکی زۆر مووچەکانیان وەردەگرن و حکومەتی ماوەبەسەرچووش بێ باکە.
بەشێکی خانەنشینان
قسەیان بۆ ئێن ئاڕ تی کرد و وتیان، لە کاتژمێر شەشی بەیانییەوە لە نۆرەگرتنی مووچەدان.
ئەوە لەکاتێکدایە، حکومەتی ماوەبەسەرچوو پێشتر
رایگەیاندبوو رادەستکردنی نەوتەکە بۆ سێ مانگە و بۆ کاتی هەڵبژاردنە، بەوەش
چارەنوسی چەند مووچەیەکی ئەمساڵ بە نادیاریی دەمێنێتەوە.
