دەشڵێت، " لەبەر ئەوە بەڕاستی شەرمە خەڵکێک دوای ٣٤ ساڵ باوەڕ بەمانە بکاتەوە، هەر کەسێک باوەڕی بە دەسەڵات یان بە کاندید و پیاوانی دەسەڵات هەبێت، ئەوا خوانەخواستە گومان لە عەقڵ و هۆشیاری خۆی بکات".

وتیشی، " هیچ کەسێک نایەوێت باوەڕ بەمانە بکات وەک وتم دوبارە درۆدەکەن، وەک چۆن جاری پێشوو قسەکانمان هاتەدی، ئەو هەموو درۆیەیان کرد و دوایی هیچیان نەبردە سەر، ئەمجارەش درۆ دەکەن".

ئاماژەی بەوەشکرد، " تاکە چارە بۆ خەڵکی هەرێمی کوردستان ئەوەیە کە رۆژی ١١ـی ١١ بۆ دەنگدانی گشتی هاوڵاتییان بڕۆن دەنگ بدەن بە نەوەی نوێ و هێزە ئەمنییەکانیش رۆژی ٩ـی ١١ دەنگ بدەن بە نەوەی نوێ".

لە درێژەی نامە دەنگییەکەدا دەڵێت، " باوەڕ بکەن ئەوەی زەڕەیەک ویژدانی هەبێت، ئەوەی زەڕەیەک ئیمان لە دڵیا هەبێت و خوا بناسێت، ئەوا بەرگری لە حەق دەکات و دژی ئەم زاڵمانە دەوەستێتەوە، وە کە بەرگری لە حەق دەکات لەناو ئەوانە دەنگ دەدات بە نەوەی نوێ، لیستی ٢٨٨ و ئەم لیستە سەردەخات بۆ ئەوەی ئەم خەڵکە رزگاری بێت، وە دەیبینین کە رزگاری دەبێت".

باسی لەوەشکرد،" بەس خوا بکات ئەم خەڵکە یەک تۆز زیاتر بڕوات بۆ دەنگدان و دەنگ بدات بە نەوەی نوێ، بزانن ئیشەڵا چۆن خۆشی و دڵخۆشی دەگەڕێتەوە بۆ سەر لێوی هەمووتان و دۆخی کوردستان خۆش دەبێت پشت بە خوای گەورە".

لە ١٢ـی ئابی ٢٠٢٥، درەنگانی شەو هێزێکی ئەمنی هەڵیانکوتایە سەر ماڵەکەی شاسوار عەبدولواحید و بەبێ ئاگاداری پێشتوەختە دەستگیریانکرد، گوایە لەسەر چەند سکاڵایەک کە تا ئێستا لە دادگای سلێمانی بەڵگەیان لەسەر نەهاتووەتەوە؛ دادگای سلێمانی سزای پێنج مانگ زیندانیکردنی بەسەردا سەپاند.

کاردانەوەکان لەبارەی ئەم پرسەوە بەردەوامبوون و میدیا ناوخۆییەکان و دەرەکییەکان ئەوەیان خستەڕوو، کە دەستگیرکردنی سەرۆکی جوڵانەوەکە لەدوای ئەوەهات، کە هەفتەیەک پێش ئەوە شاسوار عەبدولواحید رایگەیاندبوو، ئەگەر هەرێم چارەسەری کێشەی مووچە نەکات و لەگەڵ بەغدا رێکەوتنەکانی جێبەجێ نەکات؛ ئەوا هەڵوێستی جدییان دەبێت، هاوکات وادەی دەستگیرکردنەکەی کە نزیک بووە لە هەڵبژاردنەکانی پەرلەمانی عێراقەوە، جێی پرسیارە.