PM:01:32:24/10/2025
1532 جار خوێندراوەتەوە
بەڕێوەبەرایەتی تەندروستی چەمچەماڵ دەڵێت، لەسەر رێگای کەرکوک ـ سلێمانی، رووداوێکی هاتووچۆ روویدا و گیانلەدەستدان و برینداری لێ کەوتەوە.
ئەمڕۆ هەینی ٢٤ـی تشرینی یەکەمـی ٢٠٢٥، بە گوێرەی راگەیەندراوێکی بەڕێوەبەرایەتی تەندروستی چەمچەماڵ، لەسەر رێگەی کەرکوک ـ سلێمانی لە بانی مەقان، ئۆتۆمبێلێکی تایبەتی وەرگەڕاوە و بەهۆیەوە دوو کەس گیانیان لەدەستدا و چوار کەسی دیکەش بریندار بوون.
بەڕێوەبەرایەتییەکە هیچ زانیارییەکی زیاتری
لەبارەی جۆری رووداوەکە و ئۆتۆمبێلەکان نەخستووەتەڕوو، بە پێی بەدواداچوونەکانی
ئێن ئاڕ تی، شایەتحاڵانی رووداوەکە ئاماژەیان بەوەکردووە، کە خێزانێکی شەش کەسی
ناو ئۆتۆمبێلەکەدا بوون و بە رەگەز عەرەبن.
