AM:11:18:24/10/2025
976 جار خوێندراوەتەوە
وتەبێژی کۆشکی سپی دەڵێت، ئەگەر دەربکەوێت دەرئەنجامێکی ئەرێنی لە کۆبوونەوەکە دەبێت، ئەگەری کۆبوونەوەی سەرۆکی ئەمریکا و سەرۆکی رووسیا هەیە.
ئەمڕۆ هەینی ٢٤ـی تشرینی یەکەمـی ٢٠٢٥، کارۆلین لێڤیت، وتەبێژی کۆشکی سپی وتیشی، بەرنامەیەکی تەواو بۆ کۆبوونەوەی نێوان ترەمپ و پوتن دانەڕێژراوە، بەڵام ترەمپ و ئیدارەکەی هیوادارن ئەم کۆبوونەوەیە بکرێت.
دەشڵێت، ئەگەر دەربکەوێت کە کۆبوونەوەی ترەمپ و
پوتن دەرئەنجامێکی ئەرێنی دەبێت، ئەوا ئەگەری ئەنجامدانی کۆبوونەوەکە دەبێت.
ئەوەش لەکاتێکدایە، ترەمپی سەرۆکی ئەمریکا
پێشتر وتبووی، کۆبوونەوەکەی لەگەڵ سەرۆکی رووسیا لە پایتەختی هەنگاریا
هەڵوەشاندووەتەوە چونکە پێی وابوو هیچ دەرئەنجامێکی نابێت.
