PM:07:59:23/10/2025
1480 جار خوێندراوەتەوە
دوای نۆ مانگ لە زیندان ئومێد بەرۆشکی، رۆژنامەنووس و چالاکوان ئازادکرا و بۆیەکەمجار لە ئێن ئاڕ تییەوە وتی، "دەستگیرکردنم سیاسی بووە و ئازادکردنیشم دڵخۆشی نەکردووم چونکە چەندین کەس بەناحەق لەزینداندان". دەشڵێت، پێویستە هاوڵاتیان و رێکخراوەکان هەڵوێستی جدیان هەبێت و فشار بکەن بۆ ئازادکردنی شاسوار عەبدولواحید و ئەو کەسانەی بەناحەق سزادراون.
ئەمڕۆ پێنجشەممە ٢٣ـی تشرینی یەکەمی ٢٠٢٥، ئومێد بەرۆشکی، رۆژنامەنووس و چالاکوان لە دهۆک لە بەرنامەی تاوتوێی ئێن ئاڕ تیدا وتی، له بادینان هەرکەسێک لەدەرەوەی دەسەڵات کاربکات ئاستەنگی و گرفتی بۆ دروست دەکرێت و بەردەوامیش فشار لەدەنگی ناڕازی و ئازاد دەکات.
ئاماژەی
بەوەشکردووە، "ئازادکردنم دڵخۆشی نەکردووم چونکە چەندین کەس بەناحەق لەزینداندان
و دەستگیرکردنەکەشم سیاسی بووە و پەیوەندی بە چالاکییەکانی رابردوومەوە هەبووە و
ئەو تۆمەتانەی لەسەری زیندانیکراوم بێبنەما بوون".
وتیشی،
هەرکەسێک لەبەرژەوەندی بنەماڵەکانی حزبە دەسەڵاتدارەکان کارنەکات توشی مەترسی دەبێتەوە و
ئەگەر کەسێک هەرکەسێک بەرگری لەخەڵک بکات تۆمەتی تێکدانی ئاسایشی نیشتیمانی بۆ
دروست دەکەن، ئەو شێوازەی لەحکومڕانی لەهەرێمدا هەیە زۆر مەترسیدارە بۆ داهاتووی هەرێم.
باسی لەوەشکرد، پێویستە
لەسەر دەستگیرکردنی شاسوار عەبدولواحید و ئەو کەسانەی بەناحەق سزادراون، هاوڵاتیان
و رێکخراوەکان هەڵوێستی جدیان هەبێت و پێویستە فشار دروست بکرێت نۆ ئازادکردنیان.
