ئاماژەی بەوەشکردووە، زیادکردنە چاوەڕوانکراوەکە لەوانەیە بگاتە ٥٤٨ هەزار بەرمیل لە رۆژێکدا، لەکاتێکدا چوار سەرچاوەی دیكە ئاماژەیان بەوەکردووە کە گفتوگۆکان لەسەر بڕێکی کەمتر لەوە بەردەوامن.
بەگوێرەی ئاژانسەكە، ئەم هەشت وڵاتە لە کۆی ١٩ ئەندامی گروپەکە، جگە لە پشکەکانی بەرهەمهێنانیان، پابەندن بە کەمکردنەوەیەکی خۆبەخشانەی بەرهەمهێنان کە بە بڕی ملیۆنێك و ٦٥٠ هەزار بەرمیل نەوت لە رۆژێکدا، كە تا کۆتایی ساڵی ٢٠٢٦ کاری پێدەکرێت.
هەروەها سنووردارکردنی زیاتر هەیە کە دواتر سەپێنراوە و بە دو ملیۆن و ٢٠٠ هەزار بەرمیل لە رۆژێکدا دەخەمڵێنرێت و بڕیار بو ئەم سنووردارکردنانە بەشێوەیەکی قۆناغ بە قۆناغ لە ماوەی ساڵ و نیوێکدا هەڵبگیرێن.
بڕیارە ئەم هەشت وڵاتە لە کۆبوونەوەی رۆژی ٣ـی ئەم مانگەدا گفتوگۆ لەسەر ئاستی بەرهەمهێنانی نەوت بۆ مانگی (ئەیلول)ـی داهاتوو بکەن، هەروەها پێویستە ئەو وڵاتانەی کە لە ئاستی دیاریکراوی بەرهەمهێنان تێدەپەڕن، خشتەی قەرەبوکردنەوەی نوێکراو پێش ١٨ـی مانگ پێشکەش بکەن.