سەردێڕ:

بوومەلەزەیەک ئەم ناوچەیەی ھەرێمی کوردستانی ھەژاند

PM:07:44:24/11/2021

63580 جار خوێندراوەتەوە

لەسنورى گەرمیان بوومەلەرزەیەک بە گوڕى ٣ پلە بەپێوەرى رێختەر روویدا کە ١٢ کیلۆمەتر لە سەنتەرى شارى کەلارەوە دوور بوو.


سیروان ساڵح، شارەزای بواری كەشناسی لەگەرمیان بە ئێن ئاڕ تى راگەیاند "لەسنورى گەرمیان بوومەلەرزەیەک روویدا کە گوڕەکەى ٣ پلە بە پێوەرى رێختەر بووە".

وتیشى "بوومەلەرزەکە لە نێوان کەلار و قەسرى شیرین روویداوە و چەقى بوومەلەرزەکەش گوندى حەوش کوڕو بووە".

شارەزاکە روونیکردەوە "قوڵایى بوومەلەرزەکە ١٨ کیلۆمەتر ژێر زەوى بووە و لە دوورى ١٢ کیلۆمەتر بووە لەسەنتەرى شارى کەلار".

بومەلەرزە؛ رووداوێکی سروشتییە، بەهۆی جوڵانی پلێتەکانی ژێر زەوییەوە دروستدەبێت و لەسەر ئاستی جیهان چەند چرکەیەک جارێک بومەلەرزە روودەدات، بەڵام ژمارەیەکی زۆر کەمیان ئەوەندە بەهێزن کە هەستیان پێبکرێت.


 








گەلەری