ئاماژەی بەوەشکرد، ناوبراو ویستوویەتی کە گروپە خێزانییەکان، لەنێویاندا منداڵان، بە قاچاخ بۆ بەریتانیا کە لەناو ئۆتۆمبێلەکاندا شاردراونەتەوە لە رێگەی بەندەری زیبرۆگەوە بگوازێتەوە.

باسی لەوەشکرد، لە هەردوو بۆنەدا گروپەکان لەلایەن پۆلیسی فیدراڵی بەلجیکا ناسێنران و رێگرییان لێکرا پێش ئەوەی بتوانن بەرەو بەریتانیا بڕۆن، هەرچەندە ئەفسەرەکان پێیان وایە هەمان گروپی تاوانە رێکخراوەکان رەنگە لە پشت هەوڵە سەرکەوتووەکانی دیکەوە بووبێت و لێکۆڵەران گومانی ئەوەیان هەبووە کە رێکخەرەکە کە بە ناوێکی ساختەوە کاردەکات، لە بەلجیکا هەڵاتبێت و پەیوەندی بە دەزگای نیشتمانی تاوانەوە کردبێت.

هەروەها، بە کارکردن لەگەڵ پڕۆفایلی سۆشیال میدیا و داتای تەلەفۆنی ئەفسەرانی NCA توانیان ناسنامەی تۆمەتبارەکە بناسێنن کە ناوی قادرە، کە پێشتر لە مانگی ئایاری ٢٠٢٣ بە بەلەمێکی بچووکەوە سنوورەکەی بەزاندبوو.

هاوکات، دوای دەستگیرکردنی لە دەستبەسەریدا راگیرا لەکاتێکدا رێوشوێنی رادەستکردنەوەی دەستیپێکرد و لەلایەن دادوەری وێستمینستەرەوە لە ٢٤ی ئازاردا فەرمانی پێکرا و لە رۆژی پێنجشەممە ٢٤ی نیساندا بە فڕۆکە لە بەریتانیا دەرچوو، لە رۆژێکی داهاتوودا لە وێست فلاندەرزی بەلجیکا رووبەڕووی دادگاییکردن دەبێتەوە.

گیل دوگان، بەرپرسی ئۆپەراسیۆنەکانی ئەوروپا بۆ کۆمپانیای  NCA Internationa، وتی، باندەکانی قاچاخچێتی خەڵک لە سنوورە نێودەوڵەتییەکانەوە کاردەکەن، بۆیە وەک جێبەجێکردنی یاسا دەبێت لە ئاستی نێودەوڵەتیشدا کاربکەن.

وتیشی، لەم حاڵەتەدا NCA لە نزیکەوە لەگەڵ هاوبەشە بەلجیکییەکانیان کاریان کردووە بۆ ناسینەوە و دۆزینەوەی شوێنی کەسێک کە گومانی ئەوەی لێدەکرێت بەشداری لە ژمارەیەک هەوڵی نایاساییدا هەبێت بۆ گەیشتن بە بەریتانیا.

هەروەها، ئێستا گەڕێنراوەتەوە بۆ بەلجیکا بۆ ئەوەی بخرێتە بەردەم دادگا بە کارکردن لەگەڵ هاوبەشە نێودەوڵەتییەکان هەموو هەوڵێک دەدەن بۆ بە ئامانجگرتن و تێکدان و هەڵوەشاندنەوەی ئەو گروپە تاوانکاریانەی کە بەشدارن لە قاچاخچێتی خەڵک لە نێوان سنوورەکاندا.