وەزارەتی دارایی عێراق راگەیەنراوێکی لەبارەی نرخی دۆلارەوە بڵاوکردەوە و رایگەیاند "بەهۆی بەرزکردنەوەی نرخی دۆلار لە حەوت مانگی یەکەمی ئەمساڵدا چالاکی بازرگانی و جوڵەی بازاڕەکانی عێراقی زیادکردووە".
ئەمڕۆ یەکشەممە، وەزارەتی دارایی عێراق راگەیەنراوێکی بڵاوکردەوە و تیایدا هاتووە "لە ماوەی سێ ساڵی رابردوودا دەوڵەت کەوتە ژێر قەیرانی دارایی و هەڕەشەی کەوتنی لەسەر بوو، هاوکات موچەی فەرمانبەرانیش لەمەترسیدا بوو، لەبەرئەوە پشتیان بە بەرزکردنەوەی نرخی دۆلار بەست و چاوەڕوان دەکرێت بەپلەبەندى ئابوری زیاتر ببوژێتەوە".
وەزارەتەکە لە
راگەیەندراوەکەدا ئاماژەی بەوەداوە "لە ماوەی سێ ساڵی رابردوودا قەیرانی دارایی
هەڕەشە بوو بۆ سەر تواناکانی دەوڵەت و نەیدەتوانی ئەرکەکانی وەکو خۆى بەجێبگەیەنێت
و گەیشتە ئەو ئاستەی موچەی موچەخۆران مسۆگەرنەدەکرا".
بەگوێرەى
راگەیەندراوەکە "دابەزینی نرخی نەوت لە جیهاندا و لێکەوتەکانی بڵاوبوونەوەی ڤایرۆسی
کۆرۆنا کاریگەری لەسەر ئابوری نیشتیمان هەبوو".
وەزارەتی دارایی ئەوەشی
خستوتەڕوو، ''بەپشتیوانی کۆمەڵگەی نێودەوڵەتی و سیاسەتەکانی وەزارەت و پاڵپشتی
سندوقی نەختینە و بانکی نێودەوڵەتی، بڕیاری جێگیرکردنی نرخی دۆلاریان بەو شێوەیەی
ئێستادا.''
باسی لەوەشکردووە، بەهۆی
بەرزکردنەوەی نرخی دۆلار لە حەوت مانگی یەکەمی ئەمساڵدا چالاکی بازرگانی و جوڵەی
بازاڕەکانی عێراق زیادى کردووە.
ئەمە لەکاتێکدایە، لە
کانوونی یەکەمی ساڵی رابردوودا بەبڕیاڕێکی حکومەتی عێراقی، بانکی ناوەندنی هەر ١٠٠
دۆلارێکی بە ١٤٥ هەزار دینار جێگیرکرد.