سەردێڕ:

ئاوی هەولێر لەبارەی چارەسەرکردنی ئاوی ئیفرازەوە روونکردنەوە دەدات

PM:03:51:23/07/2021

2308 جار خوێندراوەتەوە

بەڕێوەبەری ئاوی هەولێر رایگه‌یاند،کێشەی ئاوی ئیفراز لە هەولێر چارەسەرکرا و بەشێک لە گەڕەکەکانیش ئاویان پێدراوە.


زەردەشت عەبدولرەحمان بەڕێوەبەری ئاوی هەولێر بە ئێن ئاڕتیرایگەیاند، بەهۆی باران بارین و لێڵی و تێکچوونى رەنگى ئاوەکە بۆ ماوەی ٢٤ كاتژمێر پڕۆژه‌ی ئاوی ئیفراز راگیراوە و ئێستا گرفتەکەیان چارەسەرکردووە.

زەردەشت عەبدولرەحمان باسە لەوەشکرد،لە ٢٤ کاتژمێری رابردوودا١٨٤هه‌زار مه‌ترسێجا ئاویان داوە بە زۆربه‌ری گه‌ڕه‌كه‌كانی هەولێر.

ئەوەش لەکاتێکدایە، شارى هەولێر پێویستی بە ٧٠٠ هەزارمه‌تر سێجا ئاو هه‌یه‌،بەڵامرۆژانە ٢٠٠ هه‌زار مه‌ترسێجا ئاو به‌رهه‌م ده‌هێنرێت، واتە ٥٠٠ هەزار مەتر سێجا کەمتر لە پێداویستى رۆژانەى هاوڵاتییان.

ئەمەش گرفتى زۆرى بۆ هاوڵاتییان دروستکردووە و بەوهۆیەشەوە جوڵانەوەى نەوەى نوێ لەماوەى رابردوودا هەزار تانکەر ئاوى لە زۆربەى گەڕەکەکانى پارێزگاکە دابەشکرد.







گەلەری