PM:04:53:30/11/2024
2352 جار خوێندراوەتەوە
شاندی دانوستانکاری پارتی بەمەبەستی گفتوگۆکردن لەسەر پێکهێنانی کابینەی نوێی حکومەت سەردانی یەکێتیان کرد و هەردوولا باسیان لەوە کرد، پارتی و یەکێتی ئامادەی دانیشتن و کۆبوونەوەی دیەکەی نێوانیان و لەگەڵ لایەنەکانی دیکەشن.
ئەمڕۆ شەممە ٣٠ـی ١١ـی ٢٠٢٤، شاندی دانوستانکاری پارتی کە پێکهاتبوون لە هۆشیار زێباری، پشتیوان سادق، دڵشاد شەهاب و ئومێد سباح سەردانی یەکێتیان کرد، بەمەبەستی گفتوگۆکردن لەسەر پێکهێنانی کابینەی نوێی حکومەتی هەرێمی کوردستان.
شاندی
دانوستانکاری یەکێتیش پێکهاتبوون لە هەریەکە لە قوباد تاڵەبانی، ڕێواس فایەق، ڕزگار
حاجی حەمە، سالار سەرحەد و سەمیر هەورامی.
دواى کۆبوونەوەکەش
لە راگەیەندراوێکی هاوبەشدا باسیان لەو کردوەە، هەردوو وەفدی دانوستانکاری پارتی و
یەکێتی ئامادەییان دەربڕی بۆ درێژەدان بە کۆبوونەوەکانی نێوانیان و هەموو حیزب و
لایەنە کوردستانییەکانی تریش.
سەبارەت بەدانیشتنی
یەکەمی پەرلەمانی کوردستانیش کەبڕیارە ٢ی ١٢ بەڕێوەبچێت، هاوڕابوون لەبارەی گرنگی
بوونی لێکتێگەیشتنی باش بۆ ئەنجامدانی کۆبوونەوەکە.
