وەزارەتی سامانە سروشتییەکانی حکومەتی هەرێم چەند بڕیارێکی نوێی تایبەت بە دابەشکردنی بەنزین لە بەنزینخانە ئەهلییەکاندا دەرکرد و تیایدا هاتووە، "ھەر بەنزینخانەیەک، بەنزینی نۆرماڵی حکومەت وەربگرێت، نابێت ھیچ بەنزینێکى دیکەى نۆرماڵ بفرۆشێت".
یەکەم: بەنزینخانەکان
لەلایەن فەرمانبەرانی وەزارەتی سامانە سروشتییەکانەوە، چاودێری دەکرێن.
دووەم: بەنزینەکە بە نۆرە، دابەشی سەر بەنزینخانەکان دەکرێت.
سێیەم:ھەر بەنزینخانەیەک، بەنزینی نۆرماڵی حکومەت وەربگرێت،
نابێت ھیچ بەنزینێکى دیکەى نۆرماڵ بفرۆشێت.
چوارەم: نابێت بەنزینە حکومییە ئۆکتانبەرزەکە، تێکەڵی بەنزینی دیکەی
نۆرماڵ بکرێت.
پێنجەم: نابێت دەستکاریی
بەهاى بەنزین بکرێت.
ئەمەش لەکاتێکدایە، لە ئێستادا نرخی بەنزین بۆ سەروو
هەزار دینار بۆ هەر لیترێک بەرزبووەتەوە و لای خۆشییەوە، شاسوار عەبدولواحید سەرۆکی
جوڵانەوەی نەوەی نوێ داوایکرد رێگەیان پێبدرێت بەنزینی ٥٠٠ دیناری بهێنن و دوێنێش یەکشەممە
جوڵانەوەکە بە نوسراوی فەرمی داوای لە وەزارەتی سامانە سروشتیەکان کرد بێ ھیچ باج
و سەرانەیەک رێگای بدەن بەنزین بھێنێتە ھەرێم.
لەماوەی رابردوودا و بەشێوەی پلەبەندی نرخی بەنزین بەرزبووەوە
و بەمەش بارگرانی بۆسەر ھاوڵاتیان و شۆفێران دروستکردووە.
بەرپرسانی ھەرێم لەچەندین لێدوانی جیاوازیاندا بەڵێنیان
بە ھاوڵاتیاندا قەیرانی بەنزین و بەرزبوونەوەی نرخەکەی بەزوترین کات چارەسەر بکەن،
بەڵام تائێستا ئەو کێشەیە بە چارەسەر نەکروای ماوەتەوە و بەردەوام نرخی بەنزینش لەبەرزبوونەوەدایە.