سەردێڕ:

چین.. ١٢ كه‌س به‌هۆی لافاوه‌وه‌ گیانیان له‌ده‌ست دا

AM:11:16:21/07/2021

1116 جار خوێندراوەتەوە

ئاژانسی هه‌واڵی شینخوای چین بڵاویكرده‌وه‌، له‌ ئاكامی باران بارینه‌ به‌خوڕكه‌ی دوێنێ له‌ شاری زه‌نگژووی له‌ ویلایه‌تی هه‌نان، بەلایەنی کەمەوە ١٢ كه‌س گیانیان له‌ده‌ست دا.


بەگوێرەی زانیارییەکانی ئاژانسە چینییەکە، تیمه‌كانی گه‌ڕان و فریاكه‌وتن تاكوو ئێستا ته‌رمی ١٢ كه‌سیان دۆزیووه‌ته‌وه‌، له‌و ناوچانه‌ی لافاوه‌كه‌ كاریگه‌ری تێكردوون و زیاتر له‌ ١٠٠ هه‌زار كه‌سیشیان گواستووه‌ته‌وه‌ ناوچه‌ی ئارام.


لە ئێستادا بەهۆی لافاو و بارانە بەخوڕەکەوە، شه‌قامه‌كانی شاره‌كه‌ ئاوێكی زۆریان تیادا وه‌ستاوه‌ و ئۆتۆمبێله‌كان كه‌وتوونه‌ته‌ ژێرئاوەوە‌، خانوو و ماڵەکانیش زیانێکی زۆریان بەرکەوتووە و ژمارەیەکی زۆری هاوڵاتییانیش بێ ماڵ و حاڵ بوون.

 

لەدوێنێوە، شەپۆلێکی باران بارین و لافاوی بەخوڕ رووی لە ناوچە جیاوازەکانی شاری زەنگژووی ویلایەتی هەنانی ئەو وڵاتە کردووە و تائێستاش ئاماری فەرمی زیانە گیانیی و ماددییەکان بڵاونەکراوەتەوە.






گەلەری