سەردێڕ:

بافڵ تاڵەبانی باس لە یەکێتیەکی نوێ دەکات

PM:10:41:19/07/2021

20228 جار خوێندراوەتەوە

بافڵ تاڵەبانی هاوسەرۆکی یەکێتی پەیامێکی وەک پیرۆزبایی جەژن بڵاوکردووەتەوە و باس لە یەکێتییەکی نوێش دەکات و دەڵێت، "یەکێتی نوێ بەرپرسیار دەبێت بەرامبەر سەرجەم چین و توێژەکانی کۆمەڵگە و خۆی بە خاوەنی هەموو جیاوازییەکان دەزانێت."


بافڵ تاڵەبانی هاوسەرۆکی یەکێتی پەیامێکی بڵاوکردووەتەوە و پیرۆزبایی جەژن ئاراستەی هاوڵاتیانی هەرێم دەکات، پاش پیرۆزبایش دەڵێت، "ئومێدەوارم ئەم جەژنە بکەینە دەرفەتێک بۆ پێداچوونەوە بە سیاسەتمان و داڕشتنی ستراتیژێکی نوێی نیشتمانی لە نێوان هێز و لایەنە سیاسییە کوردییەکان تاوەکو پێکەوە بەسەر کێشە و گرفتەکانمان زاڵ بین و پێکەوە بتوانین لە ڕێی حکومەتەوە کێشە بنچینەییەکانی وەک موچە و بژێوی خەڵک و خزمەتگوزاری چارەسەر بکەین."

بافڵ تاڵەبانی باس لە یەکێتییەکی نوێ دەکات و نووسیویەتی، "دەمەوێت لەم دەرفەتەدا دووپاتی بکەمەوە یەکێتی نوێ بەرپرسیار دەبێت بەرامبەر سەرجەم چین و توێژەکانی کۆمەڵگە و خۆی بە خاوەنی هەموو جیاوازییەکان دەزانێت. درێژە بە سیاسەتی حەکیمانەی سەرۆک مام جەلال دەدەین و بە گیانی لێبووردەییەوە خەبات دەکەین بۆ کوردستانێکی نوێ."

دەشڵێت، بەلایەنگرانی یەکێتیش دەڵێت، کە ئێستا یەکێتییەکی نوێ هەیە.

لە رۆژی ٨ی ئەم مانگەوە، گرژیی و ئاڵۆزی لەنێوان هاوسەرۆکانی یەکێتیدا سەریهەڵدا و بافڵ تاڵەبانی بەبڕیاری خۆی بەرپرسانی دەزگاکانی زانیاری و دژەتیرۆری گۆڕی و دواتریش خۆی وەک سەرۆکی یەکێتی ناساند کە دواتر لە میدیا فەرمییەکانی یەکێتیدا کرایەوە بە هاوسەرۆک، لەبەرامبەریشدا لاهور جەنگی بە پیلانگێڕی ناوی برد و لە ئێستاشدا هەردووکیان هاوسەرۆکن.








گەلەری