سەردێڕ:

کەشناسى هەرێم وادەى بارانبارین و هەورە بروسکەى لەم ناوچانە دیارى کرد

PM:10:48:15/10/2021

85336 جار خوێندراوەتەوە

بەڕێوبەرایەتى گشتى کەشناسى و بومەلەرزەزانى هەرێمى کوردستان وادەى بارانبارین و روودانى هەورە بروسکەى لە چەند ناوچەیەکى هەرێمى کوردستان راگەیاند.


ئەمڕۆ هەینى، بەڕێوبەرایەتى گشتى کەشناسى و بومەلەرزەزانى هەرێمى کوردستان لەبڵاوکراوەیەکدا ئاماژەى بەوە کرد "ڕۆژى يه‌كشه‌ممه‌ و دووشه‌ممه‌ پێشبينى ده‌كرێت ئاسمانى هه‌رێم په‌ڵه ‌هه‌ور و نيمچه‌ هه‌ور بێت".

بەگوێرەى بڵاوکراوەکە "پله‌كانى گه‌رما به‌ (٥-٧) پله‌ دادەبه‌زێت به‌ به‌راورد له‌ گه‌ڵ پله‌كانى گه‌رماى ئه‌مڕۆدا و خێرايى با (١٠-٢٠) کیلۆمەتر لە کاتژمێرێکدا دەبێت".

لەبڵاوکراوەکەدا ئاماژە بەوە کراوە "رۆژى سێشه‌ممه‌ ئاسمانى هه‌رێم نيمچه‌ هه‌ور بۆ هه‌ورى ته‌واو ده‌بێت له‌ گه‌ڵ بارينى نمه‌ باران و كه‌مێك هه‌وره‌ بروسکە به‌تايبه‌ت له‌ ناوچه‌ شاخاويه‌كانى دهۆك و هه‌ولێر و ناوچه‌كانى ئيداره‌ى ڕاپه‌ڕين وه‌ پله‌كانى گه‌رما به‌ نزمى ده‌مێنێته‌وه‌ وه‌كو ڕۆژانى پێشوو".








گەلەری