PM:03:49:14/10/2021
21088 جار خوێندراوەتەوە
بەڕێوەبەرایەتی گشتی هاتوچۆی عێراق رایگەیاند، رێکاری نوێى تایبەت بە تابلۆی ئۆتۆمبێل و بەرێکردنی مامەڵەکانی هاوڵاتیان دەرچووە.
ئەمڕۆ پێنجشەممە، بەڕێوەبەرایەتی گشتی هاتوچۆی عێراق راگەیەندراوێکی بڵاوکردەوە و تیایدا هاتووە، لێکتێگەیشتن لەنێوان هەرێمی کوردستان و حکومەتى عێراق لەپێناو یەکخستنی تابلۆکانی ئۆتۆمبێل و ئاسانکردنی رێکارەکانی مامەڵەکانی تایبەت بەو پرسە هاتووەتەکایەوە.
بەگوێرەی راگەیەندراوەکەی بەڕێوەبەرایەتی گشتی
هاتوچۆی عێراق، لەئێستادا چاوەڕێی جێبەجێکردنی رێکارەکانی تایبەت بە تابلۆی ئۆتۆمبیل
دەکەن و جەخت لەوەشکراوەتەوە، "کە لێکتێگەیشتنی نێوان بەغدا و هەولێر چەند لایەنێکی
بەهێزی تایبەت بە بەرژەوەندییەکانی هاوڵاتیانی عێراق و هەرێم لە خۆدەگرێت".
رۆژی ١٦ی مانگی حوزەیرانی ئەمساڵیش، رێککەوتنی
بنەڕەتی لەنێوان حکومەتی عێراق و هەرێمدا لەسەر تابلۆکانی ئۆتۆمبێل هاتە کایەوە.