AM:09:23:14/10/2021
7324 جار خوێندراوەتەوە
بەڕێوبەرایەتى پۆلیسى کەرکوک رایگەیاند "تیمێکى بەڕێوبەرایەتییەکە بکوژێکیان دەستگیرکردووە کە بازرگانێکى کوشتووە و تەرمەکەى لەناو بیرێکدا فڕێداوە".
لە راگەیەندراوەکەى بەڕێوبەرایەتى پۆلیسى کەرکوکدا ئاماژە بەوە کراوە "بنکەی پۆلیسی تسعین لە کەرکوک، پاش زانیاری ورد بکوژێکی دەسگیرکرد، کە کەسێکی بازرگانی ئۆتۆمبێلی کوشتوە و پاشان لە ناو بیرێک تەرمەکەى فڕێداوە لەناو باخێک".
بەگوێرەى راگەیەندراوەکە "ئەو کەسەی کە دەستگیرکراوە، هاوڕێى کەسی
کوژراوە و ڕووداوەکە لە گەڕەکی وەحدەی شاری کەرکوک ڕوویداوە، کەسی بکوژ لە دایکبووی
ساڵی ١٩٨٢ و کەسی کوژراو لە دایکبووی ساڵی ١٩٨٠".
لە راگەیەندراوەکەدا ئاماژە بەوە کراوە "تۆمەتبارەکە لە لێکۆڵینەوەدا
دانی بەوەدا ناوە کە ئەو بکوژە ئەو بازرگانەی کوشتووە".
